Kanpur Accident: कानपूरजवळ भीषण अपघातात 25 भाविक मृत्युमुखी
उत्तर प्रदेशमधील 50 भाविक उन्नाव येथील चंद्रिका देवीच्या दर्शनासाठी गेले होते. दर्शन घेऊन परत येत असताना वेगात असलेला ट्रक्टर उलटला. ट्रॅक्टर ट्रॉली पाण्याने भरलेल्या शेतात पडली. त्यामुळे ट्रॅक्टरमध्ये अडकलेल्या लोकांचा गुदमरून मृत्यू झाला. घटनास्थळी रात्री उशिरापर्यंत मदतकार्य सुरू होते.
Distressed by the tractor-trolley mishap in Kanpur. My thoughts are with all those who have lost their near and dear ones. Prayers with the injured. The local administration is providing all possible assistance to the affected: PM @narendramodi
— PMO India (@PMOIndia) October 1, 2022
पंतप्रधान मदत निधीतून मृतांच्या नातेवाईकांना मदत करणार असल्याची घोषणा पंतप्रधान कार्यालयाकडून करण्यात आली आहे. पंतप्रधान कार्यालयाने ट्वीट करून दुर्घटनेबद्दल दु:ख व्यक्त केले आहे. ‘कानपूरमधील ट्रॅक्टर अपघाताच्या बातमीने दु:ख झाले आहे. ज्यांनी आपले प्रियजन गमावले त्यांच्याबद्दल मी माझ्या संवेदना व्यक्त करतो. जखमींसाठी प्रार्थना करण्यासह स्थानिक प्रशासन सर्वतोपरी मदत करत आहे. पंतप्रधान मदत निधीतून मृतांच्या नातेवाईकांना 2 लाख रुपये आणि जखमींना 50 हजार रुपये दिले जातील, असे ट्वीटमध्ये म्हटले आहे.
उत्तर प्रदेशचे मुख्यमंत्री योगी आदित्यनाथ यांनी देखील दुर्घटनेबाबत शोक व्यक्त केला असून त्यांनी प्रशासकीय अधिकाऱ्यांना तातडीने घटनास्थळी पोहोचण्याच्या सूचना दिल्या.
