Loksaha Election : लोकसभा निवडणुकीचा संग्राम हा देश एकसंध मानणारे विरुध्द देशाचे उत्तर-दक्षिण असा भेद करणार्‍यांमध्ये आहे

यावेळी महायुतीचे समन्वयक संदीप खर्डेकर प्रदेश प्रवक्ते संजय मयेकर, सहप्रसिध्दी हेमंत लेले,पुष्कर तुळजापूरकर यावेळी उपस्थित होते.

आज पुणे येथे आयोजित केलेल्या पत्रकार परिषदेत माजी केंद्रीय मंत्री प्रकाश जावडेकर म्हणाले, पंतप्रधान नरेंद्र मोदी यांनी दहा वर्षामध्ये केलेल्या कामामुळे देशाची आर्थिक प्रगती झाली आहे. जगामध्ये देशाची प्रतिष्ठा वाढली आहे. देशातील प्रत्येक नागरिकांपर्यंत मोदी सरकारच्या योजना पोहोचल्या आहेत. त्यामुळे मोदींवर लोकांचा विश्‍वास अधिक वाढला असल्यामुळे यावेळी भाजपच्या नेतृत्वातील एनडीएला मोठे बहुमत मिळणार आहे. देशामध्ये रेल्वे, बंदरे, जलमार्ग आणि विमानतळे अशा पायाभूत सुविधांमध्ये मोदी सरकारने मोठे काम केले आहे. देशात प्रत्येक कुटुंबापर्यंत विकास पोहोचला असल्याचे जावडेकर(Pune) यांनी सांगितले.

आजच्या आधुनिक युगात सर्वात स्वस्त डेटा हा भारतात मिळतो.भारतातील सर्व घटकातील प्रत्येक नागरिकाच्या थेट खात्यामध्ये विविध योजनांचे पैसे जमा केले जातात. 34 लाख कोटी रुपये मोदी सरकारने गरीबांच्या खात्यात जमा केले त्यामुळे मोदींनाच मत जनता देणार आहे. 35 कोटी युवक आणि महिलांना मुद्रा कर्ज योजनेमुळे 20 कोटीहून अधिक रोजगार निर्माण झाले. यामध्ये देशाची अर्थव्यवस्था अधिक बळकट झाली असल्याचे जावडेकर म्हणाले.

पुढे बोलताना ते म्हणाले, विरोधी पक्ष सध्या एनडीएला 272 पर्यंत रोखण्याची भाषा करत आहे.  त्यांच्यामध्ये निराशा असून पराभव समोर दिसत असल्यामुळे अशा प्रकारची विधाने केली जातात. विरोधक खोटा प्रचार करत आहेत. विरोधकांच्या प्रचाराला हितसंबंधी गट देशातून आणि विदेशातूनही मदत करीत आहेत. एका  टूलकिटनुसार त्यांचा प्रचार सुरु आहे, परंतू यंदाच्या सार्वत्रिक लोकसभा निवडणुकीत त्यांचा पराभव झाल्याशिवाय राहणार नाही.