Maharashtra Corona Update : दिवसभरात 782 कोरोना रुग्णांची नोंद, 1,361 जणांना डिस्चार्ज
एमपीसी न्यूज – महाराष्ट्रात आज (रविवारी) दिवसभरात 782 नव्या कोरोना रुग्णांची नोंद झाली असून, 1,361 कोरोनामुक्तांना डिस्चार्ज देण्यात आला आहे. महाराष्ट्रातील ॲक्टिव्ह रुग्णसंख्या घटली असून, सध्या 7,228 ॲक्टिव्ह कोरोना रुग्णांवर उपचार सुरू आहेत.
आरोग्य विभागाच्या आकडेवारीनुसार, राज्यातील एकूण कोरोना बाधित रुग्णांची संख्या 78 लाख 65 हजार 298 एवढी झाली आहे. आजवर 77 लाख 10 हजार 376 जण बरे झाले आहेत. राज्याचा रिकव्हरी रेट वाढून 98.03 टक्के एवढा झाला आहे.
#Maharashtra #COVID19 Updates for today
*⃣New Cases – 782
*⃣Recoveries – 1,361
*⃣Deaths – 2
*⃣Active Cases – 7,228
*⃣Total Cases till date – 78,65,298
*⃣Total Recoveries till date – 77,10,376
*⃣Total Deaths till date – 1,43,697
*⃣Tests till date – 7,78,24,854(1/5)🧵
— PIB in Maharashtra 🇮🇳 (@PIBMumbai) February 27, 2022
राज्यात आज 2 कोरोना रुग्णांचा मृत्यू झाला आहे. आजवर 1 लाख 43 हजार 697 रुग्ण कोरोनामुळे मृत्यूमुखी पडले आहेत. राज्याचा कोरोना मृत्यूदर 1.82 टक्के एवढा आहे. आजवर 7 कोटी 78 लाख 24 हजार 854 प्रयोगशाळा नमुने तपासण्यात आले आहेत. सध्या महाराष्ट्रात 744 जण संस्थात्मक क्वारंटाईन आहेत तर, 1,36,445 जण होम क्वारंटाईन आहेत.
ओमायक्रॉन अपडेट
महाराष्ट्रात आज एकही नवीन ओमायक्रॉन बाधित रुग्णांची नोंद झाली नाही. आजवर राज्यात 4,629 ओमायक्रॉन बाधित रुग्णांची नोंद झाली असून, त्यापैकी 4,456 रुग्ण उपचारानंतर बरे झाले आहेत.