Maval Corona Update : मावळ तालुक्यात आज कोरोनाचे 47 नवीन रुग्ण

एमपीसी न्यूज – मावळ तालुक्यात आज (शुक्रवारी, दि. 2) कोरोनाचे 47 रुग्णांचे कोरोना चाचणी अहवाल पॉझिटिव्ह आले आहेत. तालुक्यातील कोरोनाबधितांची एकूण संख्या 4 हजार 837 झाली आहे. तर दिवसभरात 40 जणांना डिस्चार्ज देण्यात आला आहे.

आज कामशेत (महिला, 45 वर्ष) येथील एका रुग्णाचा मृत्यू झाला आहे.

आज आढळलेल्या कोरोना रुग्णांमध्ये 29 रुग्ण शहरी भागातील आहेत. तर 18 रुग्ण ग्रामीण भागातील आहेत. तळेगाव शहरात 9, लोणावळा शहरात 16, वडगाव शहरात 4 रुग्ण आढळले आहेत.

एकूण 4 हजार 837 रुग्णांमध्ये सध्या 642 रुग्ण सक्रीय आहेत. तर 4 हजार 28 जणांना डिस्चार्ज देण्यात आला आहे. 167 रुग्णांचा मृत्यू झाला आहे.

तळेगाव नगरपरिषद क्षेत्रात 1 हजार 465, लोणावळा नगरपरिषद 1 हजार 66 आणि वडगाव नगरपंचायत क्षेत्रात 291 रुग्ण सापडले आहेत. तर ग्रामीण भागात 2 हजार 15 रुग्ण आढळून आले आहेत.

ग्रामीण भागात आढळलेले रुग्ण

शुक्रवारी मावळ तालुक्यातील ग्रामीण भागात आढळलेल्या रुग्णांमध्ये कामशेत 11, तळेगाव दाभाडे ग्रामीण 3, शिवणे 2, टाकवे बु , मळवंडी ठुले येथील प्रत्येकी एका रुग्णाचा समावेश आहे. मावळातील 54 गावांमध्ये 15 पेक्षा कमी सक्रिय रुग्ण आहेत. तर 6 गावांमध्ये 15 पेक्षा अधिक कोरोनाचे सक्रिय रुग्ण आहेत. एकूण 60 गावांना कोरोनाने वेढा दिला आहे.