Mhanluge Crime News : म्हांळुगे येथून दोघांना गांजासह अटक
एमपीसी न्यूज – गांजा विक्री प्रकरणी हिंजवडी पोलिसांनी (Mhanluge Crime News) दोघांना अटक केली आहे. त्यांच्याकडून पावणेदोन किलो गांजा जप्त करण्यात आला आहे. ही कारवाई शनिवारी (दि. 4 ) सायंकाळी साडेसहा वाजता म्हाळुंगे-नांदे रोडवर म्हाळुंगे येथे करण्यात आली.
महादेव निवृत्ती मंडलिक (वय 51, रा. थेरगाव), विनोद बिजयपाल सिंग (वय 38, रा. म्हाळुंगे, ता. मुळशी. मूळ रा. उत्तर प्रदेश) अशी अटक केलेल्या आरोपींची नावे आहेत. याप्रकरणी सहायक फौजदार महेश वायबसे यांनी हिंजवडी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, म्हाळुंगे-नांदे रोडवर दोघेजण गांजा विक्रीसाठी आले असल्याची माहिती मिळाल्याने पोलिसांनी दोघांना ताब्यात घेतले. त्यांच्याकडील पिशवीची झडती घेतली असता त्यात 43 हजार 250 रुपयांचा एक किलो 730 ग्रॅम गांजा आढळून आला. दोघेजण हा गांजा विक्रीसाठी आले असल्याचे त्यांनी पोलिसांना सांगितले. हिंजवडी पोलीस तपास करीत आहेत.
