Pavana Dam update : पवना धरण 61 टक्के भरले ; चोवीस तासात 105 मिली मीटर पाऊस
एमपीसी न्यूज – पिंपरी-चिंचवडकर आणि मावळवासीयांची तहान भागविणाऱ्या पवना धरण परिसरात पावसाची संततधार (Pavana Dam update ) सुरूच आहे. गेल्या 24 तासात 105 मिली मीटर पावसाची नोंद झाली असून धरणातील पाणीसाठा 61.12 टक्यांवर गेला आहे.
Pune : उद्याच्या सक्षम नेतृत्वासाठी संस्कारांची गरज – भूषण गोखले
पवना धरणातून पिंपरी-चिंचवड, मावळातील गावांना, शेतीला पाणीपुरवठा केला जातो. या भागासाठी पाणी पुरवठ्याचा पवना धरण मुख्य स्त्रोत आहे. पवना धरणाचे काम सन 1972 साली पूर्ण झाले आहे. महापालिका पवना नदीतून रावेत येथील बंधा-यातून अशुद्ध जलउपसा करण्यात येतो. सेक्टर 23 निगडी येथे पाणी शुद्ध करुन शहरवासीयांना पुरवठा केला जातो.
धरणातील पाण्याची परिस्थिती!
# गेल्या 24 तासात झालेला पाऊस – 105 मिली मीटर
# 1 जूनपासून झालेला एकूण पाऊस – 1342मिली मीटर
# गेल्यावर्षी आजच्या तारखे पर्यंत झालेला एकूण पाऊस – 1545 मिली मीटर
# धरणातील सध्याचा पाणी साठा – 61.12 टक्के
# गेल्यावर्षी आजच्या तारखेचा धरणातील पाणीसाठा – 76.22 टक्के
# गेल्या 24 तासात पाणी साठ्यात झालेली वाढ – 5 टक्के
# 1 जूनपासून पाणी साठ्यात झालेली वाढ – 43.22 टक्के
