Pimpri News : खेळताना सातव्या मजल्यावरील गॅलरीतून पडून चिमुकला ठार
एमपीसीन्यूज : इमारतीच्या सातव्या मजल्यावरील गॅलरीत खेळात असताना अचानक खाली पडून एका १२ वर्षीय मुलाचा मृत्यू झाल्याची दुर्दैवी घटना पिंपरी येथे आज ( बुधवारी) दुपारी घडली. त्यामुळे परिसरावर शोककळा पसरली आहे.
अथर्व दीपक गावडे ( वय 11 , रा. कोहिनुर शांग्रीला, पिंपरी ), असे मृत्यू झालेल्या चिमुकल्याचे नाव आहे. मिळालेल्या माहितीनुसार, अथर्व हा आपल्या भावासोबत आज दुपारी कोहिनुर शांग्रीला इमारतीच्या सातव्या मजल्यावरील गॅलरीत खेळत होता.
खेळताना अचानक तो सातव्या मजल्यावरून खाली पडला. जखमी अवस्थेत त्याला तातडीने वायसीएम रुग्णालयात दाखल करण्यात आले. मात्र, त्याचा मृत्यू झाल्याचे डॉक्टरांनी सांगितले.
या प्रकणी पिंपरी पोलीस पुढील तपास करीत आहेत.