Pune Corona Update : पुण्यात दिवसभरात 508 पाझिटिव्ह रुग्णांची वाढ
एमपीसी न्यूज – पुण्यात आज, मंगळवारी दिवसभरात 508 नव्या कोरोनाबाधितांची तर 266 रुग्णांना डिस्चार्ज दिल्याची नोंद करण्यात आली आहे.
पुणे पालिका हद्दीत 15 कोरोनाबाधित रुग्ण तर पुण्याबाहेरील 10 रुग्णांचा मृत्यू झाला आहे. आजच्या नव्या संख्येसह मृतांची एकूण संख्या 8 हजार 588 इतकी झाली आहे. शहरात 287 गंभीर रुग्णांवर उपचार सुरु आहेत. तर ॲक्टिव्ह रुग्ण संख्या 2557 झाली आहे.
आजपर्यंत एकूण पॉझिटिव्ह रुग्णसंख्या 4 लाख 78 हजार 517 इतकी झाली आहे. पुण्यात आतापर्यंत एकूण 4 लाख 67 हजार 372 जणांना डिस्चार्ज देण्यात आला आहे, तर पुणे शहरात आज एकाच दिवसात 6 हजार 707 नमुने घेण्यात आले आहेत.
तरीही नागरिकांनी घराबाहेर पडताना काळजी घ्यावी. तोंडाला मास्क, हात धुणे आणि शारीरिक आंतरपालन करण्याचे आवाहन पुणे महापालिकेच्या आरोग्य विभागाकडून करण्यात आले आहे.
