Pune : संभाजी भिडेंच्या अडचणीत वाढ ; उच्च न्यायालयात जनहित याचिका दाखल

संभाजी भिडे यांनी काही दिवसांपूर्वी महात्मा गांधी यांच्याविषयी आक्षेपार्ह वक्तव्य केलं होतं. या विधानानंतर संभाजी भिडे यांचा राज्यभरातून निषेध व्यक्त केला जातोय. संभाजी भिडे यांच्या विरोधात राज्यभरात ठिकठिकाणी आंदोलनही झाली. भिडेंना तत्काळ अटक करण्यात यावं अशी मागणी देखील काँग्रेस कडून करण्यात येत आहे.

दरम्यान संभाजी भिडे यांच्या विरोधात जनहित याचिका दाखल करणार असे कुमार सप्तर्षी यांनी काही दिवसांपूर्वी घेतलेल्या पत्रकार परिषदेत सांगितले होते. त्यानुसार ही जनहित याचिका दाखल करण्यात आली. महात्मा गांधी हे राष्ट्रपिता म्हणून आदरणीय आहेत. मात्र मागील काही दिवसांपासून त्यांची विचारसरणी संपवण्याचे कटकारस्थान सुरू असल्याचा घणाघात सप्तर्षी यांनी केलाय.

आगामी निवडणुकांच्या पार्श्वभूमीवर राज्यभरात दंगली पेटवण्याची तयारी असून त्यामुळेच अशा प्रकारची वादग्रस्त वक्तव्य केली जात ( Pune) आहेत असा आरोपही सप्तर्षी यांनी केलाय.