Pune : पुणे रेल्वे स्थानक आवारातून सात महिन्यांच्या बालकाचे अपहरण

श्रावण अजय तेलंग असे अपहरण झालेल्या बालकाचे नाव आहे. याबाबत त्याचे वडील अजय तेलंग बंडगार्डन पोलीस ठाण्यात फिर्याद दिली आहे. पोलिसांनी दिलेल्या माहितीनुसार, तेलंग दाम्पत्य मूळचे भुसावळचे आहे. सासूला भेटण्यासाठी तेलंग आणि त्याची पत्नी पुण्यात आले होते. शनिवारी मध्यरात्री पुणे रेल्वे स्थानकाच्या आवारात तेलंग दाम्पत्य झोपले होते. त्यावेळी अनोळखी व्यक्तीने तेलंग यांचा सात महिन्यांचा मुलगा श्रावण याला उचलून नेले. तेलंग दाम्पत्याला जाग आली. तेव्हा श्रावण जागेवर नसल्याचे आढळून आले. तेलंग दाम्पत्याने त्याचा शोध घेतला. तेव्हा तो सापडला नाही.