Pune second coldest city : गोंदियात 7 अंशापर्यंत पारा घसरला ; पुणे दुसरे सर्वाधिक थंड शहर !
एमपीसी न्यूज : उत्तर भारताकडून थंड वारे दक्षिण दिशेला वाहू लागले आहेत. परिणामी राज्यात थंडीचा जोर वाढला आहे. त्यामुळे गोंदिया किमान तापमान 7 अंश सेल्सिअस तर त्याखालोखाल पुणे येथे 9.2 अंश सेल्सियस नोंदविले गेले.
राज्यातील प्रमुख शहरातील किमान तापमान (अंश सेल्सिअस) पुणे 9.2, लोहगाव 11.8, कोल्हापूर 15.7, महाबळेश्वर 11.5, मालेगाव 10.8, नाशिक 9.1, सांगली 14.6, सातारा 12.1, सोलापूर 13.3, मुंबई 21.4, सांताक्रुझ 18, रत्नागिरी 19.7, पणजी 19.8, डहाणु 19.2, औरंगाबाद 9.5, परभणी 7.4, अकोला 9.6, अमरावती 11.1, बुलढाणा 11.4, ब्रम्हपूरी 10.3, चंद्रपूर 10, गोंदिया 7, नागपूर 8.4, वाशिम 10, वर्धा 9.8.
हवामान विभागाच्या माहितीनुसार, उत्तर भारतात थंडीची लाट आली असून काश्मीरमध्ये बर्फवृष्टी होत आहे. परिणामी उत्तरेकडील थंड वारे दक्षिणेकडे येऊ लागले आहे. त्यामुळे राज्यातील तापमानात घट होण्यास सुरुवात झाली आहे. ही स्थिती जानेवारी महिन्यापर्यंत राहण्याची शक्यता आहे. पुढील दोन दिवस विदर्भासह राज्याच्या अन्य भागांमध्ये थंडीची लाट येण्याची शक्यता आहे.
