Pune : शिवसेनेने फोडले पीक विमा कंपनीचे कार्यालय
एमपीसी न्यूज – शेतक-यांना न्याय मिळालाच पाहिजे, शेतक-यांना पिक विमा मिळालाच पाहिजे अशा जोरदार घोषणा देत शिवसैनिकांनी आज (बुधवारी) पुण्यातील पीक विमा कंपनीचे कार्यालय फोडले आहे.
पुण्यातील इफको टोकियो पिक विमा कंपनीचे कार्यालय शिवसैनिकांनी फोडले. शिवसैनिक मोठ्या संख्येने आंदोलनात सहभागी झाले होते.
‘रब्बी आणि खरीप हंगाममध्ये नुकसान झालेल्या शेतक-यांना न्याय मिळालाच पाहिजे’, ‘शेतक-यांना पिक विमा मिळालाच पाहिजे’ अशा जोरदार घोषणा शिवसैनिकांनी दिल्या. कार्यालयातील खुर्च्या टेबलची तोडफोड करण्यात आली. अचानक झालेल्या आंदोलनामुळे सगळ्यांचीच धावपळ झाली. दरम्यान, शिवसेनेने शेतक-यांच्या प्रश्नांवरुन आक्रमक भूमिका घेतली आहे.
