Pune : पुण्यातील तेजस गर्भे याला जागतिक सालसा शिखर परिषदेत दोन बक्षिसे

या स्पर्धेमध्ये इटली, फ्रांस, ऑस्ट्रेलियासह जगभरातील डान्सर सहभागी झाले होते. पारंपारिक नृत्यशैली ते बॅलेट ते समकालीन, जॅझ ते लॅटिन, बॉलरूम ते बॉलीवूड आणि हिपहॉप अशा विविध प्रकारच्या नृत्यशैली तेजसने जगभर सादर केल्या आहेत. तेजस गर्भेने केवळ त्यांच्या कलेचाच गौरव केला नाही तर आंतरराष्ट्रीय नृत्य क्षेत्रात एक उगवता तारा म्हणून उदयास आला.

तेजसचे महाविद्यालयीन शिक्षण पुण्यात झाले असून यू. के. मधील प्रतिष्ठित मास्टर्स परफॉर्मिंग आर्ट्स कॉलेजमधून परफॉर्मिंग आर्ट्स/संगीत थिएटरमध्ये त्याने पदव्युत्तर पदवी मिळवली. भारतात आल्यानंतर तेजसने MYST (मेक युवर सोल टॅप) परफॉर्मिंग आर्ट्सची निर्मिती केली. तेजसचा प्रवास भारतातील टेलिव्हिजन आणि रिॲलिटी शोमधील प्रेक्षकांना मोहित करणारा आहे. सीमा आणि संस्कृती ओलांडून अनेक देशांमध्ये त्याने कला सादर केली आहे. लॅटव्हियन रशिया ते ऑस्ट्रेलियातील अनेक नामांकित स्टुडिओ आणि प्रेक्षागृहांमध्ये त्याचे नृत्याचे कार्यक्रम झाले. ऑस्ट्रेलियात त्याने अपंग व्यक्तींनाही नृत्याचे धडे दिले आहेत. मिस्टच्या माध्यमातून विद्यार्थ्यांना आत्म-शोध आणि कलात्मक वाढीच्या प्रवासात तेजस चांगल्या रीतीने(Pune) मार्गदर्शन करतो.

तेजस म्हणाला की, जिद्द आणि 15 वर्षाची अविरत मेहनत केल्यानेच या स्पर्धेतील हे यश मिळाले आहे. नृत्य हे स्वतःला अभिव्यक्त करण्याचे शक्तिशाली साधन किंवा आनंद घेण्याचा एक मार्ग आहे. हे काही लोकांसाठी शारीरिक व्यायाम किंवा थेरपी म्हणून देखील काम करू शकते. नृत्य हा व्यायामाचा एक प्रकार आहे आणि तुम्हाला तंदुरुस्त आणि निरोगी होण्यास मदत करतो. नृत्य कलेमुळे स्वतःबरोबर इतरांना देखील आनंद मिळतो. मला मिळालेले हे ज्ञान केवळ स्वतः पुरते न ठेवता इतरांच्याही जीवनात आनंद निर्माण व्हावा यासाठी MYST (मेक युवर सोल टॅप) परफॉर्मिंग आर्ट्सची निर्मिती केली. यातून अनेक यशस्वी विद्यार्थी घडले.

वर्ल्ड डान्स डे म्हणजे आंतरराष्ट्रीय नृत्य दिन हा दरवर्षी 29 एप्रिल रोजी साजरा केला जातो. लोकांमध्ये ‘नृत्य कलेबद्दल’ जागरुकता वाढविण्यासाठी आणि नृत्याच्या अनेक प्रकारांबद्दल तसेच त्यांच्या कलेतील मूल्यांबद्दल (Pune) शिक्षणाचा प्रसार करण्याच्या दृष्टीने आंतराराष्ट्रीय नृत्य दिवसाला अनन्यसाधारण महत्व आहे.