Satara : भरधाव कार झाडाला धडकून एकाच कुटुंबातील सहा जणांचा मृत्यू

एमपीसी न्यूज- कारचालकाचा ताबा सुटल्यामुळे कर झाडाला धडकून झालेल्या अपघातामध्ये एकाच कुटुंबातील सहाजण मृत्युमुखी पडले. हा अपघात पुणे-सातारा महामार्गावर काशीळ या गावाजवळ आज सकाळी झाला. या अपघातात दोघेजण जखमी झाले आहेत. सौदागर कुटुंबातील सहाजण या अपघातात ठार झाले.

सौदागर कुटुंबीय पुणे-बंगळुरु महामार्गावरुन जात असताना हा अपघात झाला. मृतांमध्ये दोन पुरुष, दोन महिला, एक लहान मुलगा आणि एका लहान मुलीचा समावेश आहे. गाडीचा चालक आणि एक लहान मुलगी गंभीर जखमी आहेत. सौदागर कुटुंबीय हे कर्नाटकमधील धारवाडचे रहिवासी असल्याची प्राथमिक माहिती मिळाली आहे.