Today’s Horoscope 06 October 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 06 October 2023 – जाणून घ्या आजचे राशिभविष्य
आजचे पंचांग –
वार – शुक्रवार.
06.10.2023.
शुभाशुभ विचार- चांगला दिवस.
आज विशेष- अष्टमी श्राद्ध, कालाष्टमी.
राहू काळ – सकाळी 10.30 ते 12.00.
दिशा शूल – पश्चिमेस असेल.
आजचे नक्षत्र – आर्द्रा 21.32 पर्यंत नंतर पुनर्वसू
चंद्र राशी – मिथुन.
————————————
मेष – ( शुभ रंग- डाळिंबी )
आज एखाद्या महत्त्वाच्या कामासाठी भटकंती होणार आहे. रिकामटेकडी चर्चा फक्त वादास कारणीभूत होईल. शेजाऱ्यांशी एकोपा वाढेल. घराबाहेर मात्र आज वाद संभवतात.
वृषभ (शुभ रंग- राखाडी )
आज तुमचे शारीरिक व मानसिक स्वास्थ्य उत्तम असेल. गरजेपुरता पैसा सहज उपलब्ध होईल. गृहिणी कौटुंबिक जबाबदाऱ्या आनंदाने पार पाडतील. आनंदी दिवस.
मिथुन ( शुभ रंग- मोरपंखी )
कार्यक्षेत्रात नवे हितसंबंध निर्माण होतील. उपवारांना स्थळे सांगून येतील. आवडते छंद जोपासण्यासाठी वेळ व पैसा खर्च कराल. आज इतरांच्या भानगडीत मध्यस्थी कराल.
कर्क (शुभ रंग- हिरवा )
खर्चाचे प्रमाण वाढले असले तरीही पैसा कमी पडणार नाही. कलाकारांचा प्रदेशात नावलौकिक होईल. आज प्रवासात असाल तर मात्र आपल्या किमती वस्तूंची काळजी घ्या. सतर्क रहा.
सिंह (शुभ रंग- आकाशी )
पूर्वी केलेल्या एखाद्या गुंतवणुकीतून चांगला परतावा पदरात पडेल. तुमचे कष्ट कारणी लागतील व कार्यक्षेत्रात यशाची चाहूल लागेल. आज दिवसाचा उत्तरार्ध लाभाचा राहील.
कन्या ( शुभ रंग- गुलाबी)
नोकरदारांना वरिष्ठांचे दडपण असेल. अधिकारी वर्गास अधिकार वापरावेच लागतील. कार्यक्षेत्रात अविश्रांत कष्ट करण्याची तुमची आज तयारी असेल. अति व्यस्त दिवस.
तूळ ( शुभ रंग- स्ट्रॉबेरी )
आज उद्योगधंद्याच्या दृष्टीने थोडा विरोधी दिवस असून नोकरीत तुम्हाला साहेबांचे मूळ सांभाळावे लागतील. कार्यक्षेत्रात काही आकस्मिक अडचणींचा सामना करावा लागणार आहे.
वृश्चिक (शुभ रंग-तांबडा)
आज फक्त आपल्याच भल्याचा विचार करा. भावनेच्या भरात कुणालाही वचने देऊ नका. जोडीदाराच्या चुका काढण्यासाठी आजचा दिवस योग्य नाही. संध्याकाळी गाडी हळू चालवा.
धनु- (शुभ रंग- जांभळा )
आज वैवाहिक जीवनात गोडी गुलाबी असणार आहे. महत्त्वाच्या घरगुती प्रश्नात जोडीदाराचे मत अवश्य घ्या. हौस मौज करताना कायद्याचे उल्लंघन करू नका.
मकर ( शुभ रंग- सोनेरी )
आज कार्यक्षेत्रात सावधगिरीने पावले टाकणे गरजेचे आहे. हितशत्रू सक्रिय असल्याने नोकरीतही नियमांचे उल्लंघन करू नका. हाताखालच्या लोकांवर वचक गरजेचा आहे.
कुंभ (शुभ रंग – पांढरा)
आज तुमचा चैन करण्याकडे कल राहील. उंची वस्त्र खरेदी कराल. शैक्षणिक क्षेत्राशी संबंधित व्यवसाय तेजीत चालतील. कलावंतांना उत्तम संधी चालून येतील.
मीन -(शुभ रंग – निळा)
स्थावर शेतीवाडी संबंधित काही रखडलेले व्यवहार असतील तर ते आज मार्गी लागू शकतात. मुलांची अभ्यासात एकाग्रता राहील. गृहिणींना आज माहेरची ओढ लागेल.
श्री जयंत कुलकर्णी.
ज्योतिष व वास्तु सल्लागार.
संपर्क – 9689165424.