Today’s Horoscope 11 September 2020: जाणून घ्या आजचे राशीफळ
एमपीसी न्यूज - आजचे पंचांग, शुक्रवार, दिनांक…11 सप्टेंबर 2020
- शुभाशुभ…दुपारी एकनंतर चांगला दिवस.
- आज विशेष .. सप्तमी श्राध्द.
- राहूकाळ…दुपारी 12.00 ते 01.30
- दिशा शूल…उत्तरेस असेल.
- नक्षत्र… कृत्तिका 11.15 पर्यंत नंतर रोहिणी
- आजची चंद्र राशी… वृषभ.
आजचे राशीभविष्य
मेष – ( शुभरंग – पिस्ता )
बेरोजगारांना रोजगार मिळेल. आज भावंडांमध्ये सुसंवाद राहील. गृहिणी घराच्या स्वच्छतेचे मनावर घेतील. शेजाऱ्यांशी सलोखा राहील. आज अत्यंत व्यस्त दिवस.
वृषभ – ( शुभ रंग – सोनेरी )
काही दुरावलेल्या हितसंबंधात सुधारणा होईल. कार्यक्षेत्रातील पूर्वीच्या श्रमाचे चीज होईल. यश अगदी हाकेच्या अंतरावर आल्याची जाणीव होईल. छान दिवस.
मिथुन -( शुभ रंग – पांढरा )
तरुणांनी मौजमजा करताना नीतिमत्तेचे भान ठेवावे. आवक पुरेशी असली तरी आज पैसा जपून वापरणे गरजेचे आहे. वैवाहिक जीवनात सामंजस्य राहील.
कर्क – ( शुभरंग -चंदेरी )
कार्यालयीन कामासाठी प्रवास होतील. आज पर्यटनाचे व्यवसाय तेजीत चालतील. नोकरदारांनी आपल्या अधिकारांचा दुरुपयोग टाळावा. खर्च टाळता येणार नाही.
सिंह – ( शुभरंग -केशरी )
अत्यंत उत्साही व आनंदी असा आजचा दिवस सत्कारणी लावा. विवाहविषयक काही बोलणी करायची असतील तर आज उरकूनच घ्या. आजचा दिवस तुमच्यासाठी लाभदायक दिवस आहे.
कन्या – ( शुभ रंग -हिरवा )
नोकरीच्या ठिकाणी स्वतःचे महत्त्व सिद्ध करण्यासाठी विविध जबाबदाऱ्या पेलाव्या लागतील. कामाच्या व्यापात तब्येतीकडे दुर्लक्ष होईल. वाहतुकीचे नियम तोडू नका अन्यथा दंड भरावा लागेल.
तूळ – ( शुभ रंग -स्ट्रॉबेरी )
ज्येष्ठ मंडळींचा अध्यात्मिक मार्गाकडे ओढा राहील. श्रद्धाळूंना एखाद्या साधनेची प्रचिती येईल. महत्वपूर्ण निर्णय आज अनुभवी व्यक्तीच्या सल्ल्यानेच घ्या. सरकार दरबारी कामे रखडणार आहेत.
वृश्चिक -( शुभ रंग- निळा )
कार्यक्षेत्रात हितशत्रूंचा जोर वाढलेला आहे. नोकरदारांनी सहकाऱ्यांशी जुळवून घ्यावे. वाहन चालवताना ओव्हरटेक करणे टाळा. आज कायद्यात राहाल तरच फायद्यात राहाल.
धनु – ( शुभ रंग – आकाशी )
कौटुंबिक स्तरावर काही अनुकूल घटना तुमचा कार्य उत्साह वाढवणार आहेत. एकतर्फी प्रेमाला समोरून होकार येईल. वैवाहिक जीवनात आज दोघात तिसरा नको.
मकर – ( शुभ रंग – जांभळा )
व्यवसायात स्पर्धा अटळच आहे. नोकरदारांना साहेबांचे मूड सांभाळावे लागतील. घरी पत्नीचाही लहरी सांभाळाव्या लागतील. काही येणी असतील तर वसूल होतील, पण मागायला लाजू नका.
कुंभ – ( शुभ रंग -गुलाबी )
लहान मोठे आर्थिक लाभ मनाला दिलासा देतील. कार्यक्षेत्रात विरोधकांचा विरोध मावळेल. आवडते छंद जपण्यासाठी वेळ काढता येईल. नवोदित कलाकारांना कामे मिळतील.
मीन – ( शुभ रंग -डाळिंबी )
कौटुंबिक वाद असतील तर ते सुसंवादने मिटू शकतील. प्रवासात काही नवे हितसंबंध निर्माण होतील आणि ते भविष्यकाळाच्या दृष्टीने फायद्याचे राहतील. कलाकारांना प्रयत्न वाढवावे लागतील.
– जयंत कुलकर्णी
फोन. 96891 65424
(ज्योतिष व वास्तु सल्लागार)
