Today’s Horoscope 18 December 2020: जाणून घ्या आजचे राशीफळ
एमपीसी न्यूज - आजचे पंचांग – वार शुक्रवार . ….. दि. 18 डिसेंबर 2020
- शुभाशुभ विचार –१४ नंतर चांगला दिवस.
- आज विशेष – विनायक चतुर्थी.
- राहू काळ – सकाळी १०.३० ते १२.००.
- दिशा शूल – पश्चिमेस असेल.
- आजचे नक्षत्र – श्रवण. १९.०४ पर्यंत नंतर धनिष्ठा.
- चंद्र राशी – मकर.
![]()
आजचे राशीभविष्य
मेष – (शुभ रंग – राखाडी )
व्यवसायात भिडस्तपणास लगाम घालणे गरजेचे आहे. कामाच्या प्रचंड व्यापामुळे महत्वाच्या घरगुती प्रश्नांकडे तुमचे दुर्लक्ष होण्याची शक्यता आहे. मित्रमंडळींना आज दुरूनच राम राम करा.
वृषभ – (शुभ रंग- सोनेरी)
वडीलधार्यांशी मतभेद होतील पण तुम्ही त्यांच्या वयाच्या मान राखाल. नोकरीच्या ठिकाणी वरिष्ठांशी ही नमते घ्यावे लागेल. आज अहंकारास लगाम घालणे हिताचे राहील.
मिथुन – (शुभ रंग- चंदेरी)
आज उतावीळपणे कोणतेही निर्णय घेणे योग्य ठरणार नाही. आज तब्येतीच्या किरकोळ तक्रारीही दुर्लक्षित करू नका. पत्नी जे म्हणेल त्याला हो म्हणा, आणि देण्याघेण्याचे व्यवहार काळजीपूर्वक करा.
कर्क – ( शुभ रंग – गुलाबी)
बरेच दिवसांनी आज तुम्हाला अपेक्षित असलेल्या प्रिय व्यक्तीचा अचानक फोन येईल. कवींना प्रेमगीते सुचतील. आज संध्याकाळी एखाद्या मंगल कार्यात पती-पत्नी जोडीने मिरवाल.
सिंह – ( शुभ रंग -स्ट्रॉबेरी )
आज तुम्ही फक्त स्वतःच्या स्वार्थाचा विचार करा. केवळ मोठेपणासाठी न झेपणाऱ्या जबाबदाऱ्या स्वीकारू नका. भावनेच्या भरात कोणाला शब्द देऊन अडकू नका.
कन्या – ( शुभ रंग- पिस्ता)
काही नव्या ओळखी होतील तुमचे कार्यक्षेत्र विस्तारेल. तुम्हाला एखाद्या नवीन विषय शिकण्याची संधी मिळेल. आज केवळ चर्चेपेक्षा झटपट निर्णय घेणे हिताचे राहील.
तूळ – ( शुभ रंग- पांढरा)
आज तुम्ही फक्त कर्तव्यास प्राधान्य देणार आहात. कौटुंबिक वाढत्या जबाबदाऱ्या पूर्ण करताना गृहिणींना थकवा जाणवेल. कला-क्रीडा क्षेत्रातील मंडळींचा संघर्ष चालूच राहील.
वृश्चिक – ( शुभ रंग- जांभळ)
बरेच दिवसापासून तुम्हाला अपेक्षित असलेली मेल्स येतील. आज आई बरोबर मतभेद संभवतात. दुरावलेले शेजारी मात्र जवळ येतील. संततीचे विवाहयोग जुळून येणार आहेत.
धनु – (शुभ रंग – मोरपिशी)
आज योग्य माणसे तुमच्या संपर्कात येतील. ठामपणे घेतलेले निर्णय फायदेशीर ठरतील. हाती पैसा खेळता राहील. धंद्यातील काही येणी आकस्मिक रीत्या वसूल होतील.
मकर – ( शुभ रंग – मरून)
आज हाती पैसा खेळता राहील, आवडत्या क्षेत्रात तुम्हाला नेतृत्व करण्याची संधी मिळेल. नवविवाहितांची स्वप्ने साकार होतील. अनेक अवघड कामे सोपी होतील. आज तुम्ही म्हणाल ती पूर्व.
कुंभ – ( शुभ रंग- नारिंगी)
आज आपले काम सोडून इतरांच्या भानगडीत डोकवाल. रिकामटेकड्या चर्चेतून मनस्ताप होण्याची शक्यता आहे. एखाद्या समारंभात वावरताना आपले मौल्यवान ऐवज सांभाळा.
मीन – ( शुभ रंग- डाळिंबी)
हौशी मंडळींना आज जीवाची मुंबई करण्यास पुरेसा पैसा उपलब्ध होईल. आज तुमच्या कामातील उत्साह इतरांना प्रेरणा देईल. उद्योगधंद्यात प्रगतीरथ वेगवान राहील.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
