Todays Horoscope 24 January 2022 : जाणून घ्या आजचे राशीफळ
आजचे पंचांग – वार सोमवार, दि. 24.01.2022
- शुभाशुभ विचार -09 पर्यंत चांगला.
- आज विशेष — साधारण दिवस.
- राहू काळ – सकाळी 7.30 ते 9.00.
- दिशा शूल – पूर्वेस असेल.
- आजचे नक्षत्र – हस्त 11.15 पर्यंत नंतर चित्रा.
- चंद्र राशी – कन्या 23.08 पर्यंत नंतर तूळ.
______________________
आजचे राशीभविष्य
मेष – ( शुभ रंग – डाळिंबी)
दिवस तितकासा अनुकूल नसला तरीही आज काही येणी असतील तर मात्र वसूल होऊ शकतील. झटपट लाभाचा मोह मात्र टाळायला हवा. जिभेचे चोचले पुरवू नका. पोट बिघडेल.
वृषभ – ( शुभ रंग – पिस्ता)
आज तुम्हाला आर्थिक उन्नतीचे विविध मार्ग खुले होतील. रुग्णांना आज हॉस्पिटलमधून डिस्चार्ज मिळू शकेल. खर्च कितीही वाढला तरी पैशाची कमतरता जाणवणार नाही.
मिथुन – ( शुभ रंग- पांढरा)
आज शैक्षणिक क्षेत्राशी संबंधित व्यवसाय चांगले चालतील. विद्यार्थ्यांची अभ्यासातील प्रगती कौतुकास्पद राहील. आप्तस्वकीयात वावरताना वाणीत मृदुता असू द्या.
कर्क- (शुभ रंग – राखाडी)
आज कार्यालयीन कामासाठी काही जवळपासचे प्रवास घडतील. अति स्पष्टवक्तेपणामुळे नाती दुरावतील. गृहिणींनी सासुबाई कडून शाबासकीची अपेक्षा अजिबात ठेवू नये.
सिंह – (शुभ रंग- भगवा)
आज हट्टीपणास लगाम घालून इतरांचेही विचार ऐकून घ्यायची तयारी ठेवा. पूर्वीच्या कष्टाचे फळ पदरात पडण्याचा दिवस आहे. घरात आर्थिक सुबत्ता नांदेल. पाहुण्यांची वर्दळ राहील.
कन्या- ( शुभ रंग – हिरवा)
आज तुम्ही म्हणाल ती पूर्व असेल. उद्योग व्यवसायात आक्रमकतेने घेतलेले निर्णय योग्य ठरतील. आर्थिक स्थिती उत्तम असल्याने तुमची मनस्थिती ही चांगली असेल. हरवलेले गवसेल.
तूळ – ( शुभ रंग- केशरी)
ज्येष्ठ मंडळींनी आज प्रकृतीची काळजी घेणे अत्यंत गरजेचे आहे. देण्यघेण्याचे व्यवहार लिखित स्वरूपात करावेत. खर्चाचे प्रमाण आवाक्याबाहेर जाणार आहे.
वृश्चिक- ( शुभ रंग- नारंगी)
व्यापार उद्योगाची मंदावलेली गती पूर्वपदावर येईल. कार्यक्षेत्रात नवे हितसंबंध प्रस्थापित होतील. संततीचे विवाहयोग जुळून येतील. ध्यानीमनी नसताना काही जुनी येणी वसूल होतील.
धनु – ( शुभ रंग- गुलाबी)
नोकरीच्या ठिकाणी तुमचे वर्चस्व वाढेल प्रमोशनची चाहूल लागेल. मामा मावशीकडून काही सुवार्ता येतील. नकारात्मक विचारांच्या लोकांपासून दोन हात दूरच रहा.
मकर- ( शुभ रंग- स्ट्रॉबेरी)
आज तुम्हाला कार्यक्षेत्रात काही अनपेक्षित अडचणींचा सामना करावा लागेल. हाताखालच्या मंडळीत मिळून-मिसळून राहणे गरजेचे आहे. विद्यार्थ्यांनी परिश्रम वाढवायला हवेत.
कुंभ – (शुभ रंग- आकाशी)
आजचा दिवस तितकासा अनुकूल नसल्याने प्रत्येक निर्णय विचारांती घ्यायला हवा. न झेपणाऱ्या जबाबदाऱ्या टाळणे हिताचे राहील. कायद्याची चौकट स्वप्नातही मोडू नका.
मीन- ( शुभ रंग- मोरपंखी)
घराबाहेर तुमच्या आकर्षक व्यक्तिमत्त्वाचा प्रभाव पडेल. एखाद्या मंगल कार्यात हजेरी लावाल. वैवाहिक जोडीदाराकडे मन मोकळे करावेसे वाटले तरी हातचे राखूनच बोलणे हिताचे राहील.