Today’s Horoscope 12 September 2022 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 12 September 2022
वार – सोमवार
तारीख 12.09.2022
शुभाशुभ विचार- शुभ दिवस
आज विशेष – तृतीया श्राद्ध
राहू काळ – सकाळी 7.30 ते 9.00
दिशा शूल – पूर्वेस असेल
आजचे नक्षत्र – उत्तराभाद्रपदा 06.59 पर्यंत नंतर रेवती
आजची चांद्रारशी – मीन
————————————–
आजचे राशिभविष्य
मेष – (शुभ रंग – तांबडा)
खर्च कितीही वाढला असला तरी पैशाची कमतरता भासणार नाही.कलाकारांचा परदेशी नावलौकिक होईल.आज प्रवासात असाल तर मात्र आपल्या किमती वस्तूंची काळजी घ्या.
वृषभ – (शुभ रंग – क्रीम)
पूर्वी केलेल्या एखाद्या गुंतवणुकीतून चांगला परतावा मिळेल.तुमचे कष्ट कारणी लागतील व कार्यक्षेत्रात यशाची चाहूल लागेल.दिवसाचा उत्तरार्ध लाभाचा आहे.
मिथुन – (शुभ रंग – चंदेरी)
नोकरदारांना वरिष्ठांचे दडपण राहील.अधिकारी वर्गास अधिकार वापरण्याची संधीच चालू होईल. कार्यक्षेत्रात अविश्रांत कष्ट करायची तुमची आज तयारी असेल.
कर्क – (शुभ रंग – सोनेरी)
आज उद्योगधंद्याच्या दृष्टीने अनुकूल दिवस नाही.नोकरीत साहेबांच्या लहरी सांभाळाव्या लागतील.व्यावसायिकांना काही आकस्मिक अडचणींना तोंड द्यावे लागणार आहे.
सिंह – (शुभ रंग – मरून)
आज फक्त आपल्याच भल्याचा विचार करा.भावनेच्या भरात कोणालाही शब्द देऊ नका. जोडीदाराच्या चुका काढण्यासाठी आज दिवस योग्य नाही.गाडी काळजीपूर्वक चालवा.
कन्या – (शुभ रंग – आकाशी)
आज वैवाहिक जीवनात गोडीगुलाबी असेल.महत्त्वाच्या घरगुती प्रश्नांत जोडीदाराचे मत अवश्य घ्या.हौस मौज करताना कायद्याचे भान ठेवा.विरोधकांना कमजोर समजू नका.
तूळ – (शुभ रंग – मरून)
कार्यक्षेत्रात सावधपणे पावले टाकणे गरजेचे आहे.विरोधक सक्रिय असल्याने नोकरीत नियमांचे उल्लंघन करून चालणार नाही.हाताखालच्या लोकांवर वचक गरजेचा आहे.
वृश्चिक – (शुभ रंग – लाल)
आज तुमचा फक्त हौस मौज करण्याकडे कर राहील.उंची वस्त्र खरेदी कराल.शैक्षणिक क्षेत्राशी संबंधित व्यवसाय आज तेजीत चालतील.कलावंतांना उत्तम संधी चालून येतील.
धनु – (शुभ रंग – भगवा)
आज स्थावर शेतीवाडी संबंधित काही व्यवहार रखडलेले असतील तर ते पूर्ण होतील.मुलांची अभ्यासात एकाग्रता राहील.गृहिणींना आज माहेरची ओढ लागेल.श्वसनाचे विकार असणाऱ्यांनी काळजी घ्यावी.
मकर – (शुभ रंग – मोरपंखी)
आज एखाद्या महत्त्वाच्या कामासाठी भटकंती होईल.रिकामटेकडी चर्चा वादास कारणीभूत होईल. शेजाऱ्यांशी सलोखा वाढेल.घराबाहेर वाद संभवतात.महत्त्वाच्या चर्चेत स्वतःचे मत मांडण्याची घाई करू नका.
कुंभ – (शुभ रंग – पिस्ता)
आज तुमचे शारीरिक व मानसिक स्वास्थ्य उत्तम असेल.गरजेपुरता पैसा सहज उपलब्ध होईल. गृहिणी कौटुंबिक जबाबदाऱ्या आनंदाने पार पडतील. आनंदी दिवस.
मीन – (शुभ रंग – स्ट्रॉबेरी)
कार्यक्षेत्रात नवे हितसंबंध प्रस्थापित होतील.उपवारांना स्थळे सांगून येतील.आवडते छंद जोपासण्यासाठी पैसा व वेळ खर्च कराल. इतरांच्या भानगडीत मध्यस्थी कराल.
शुभम भवतु
जयंत कुलकर्णी
फोन 9689165424
(ज्योतिष व वास्तु सल्लागार)