Today’s Horoscope 5 July 2022 : जाणून घ्या आजचे राशीफळ

आजचे पंचांग – वार मंगळवार.  दि. 05. 07. 2022 ( Today’s Horoscope 5 July 2022)        

शुभाशुभ विचार- 12 नंतर चांगला दिवस.

आज विशेष – साधारण दिवस. 

राहू काळ – दुपारी 03.00 ते 04.30.

दिशा शूल – उत्तरेस असेल.

आजचे नक्षत्र – पूर्वा फाल्गुनी 10.30 पर्यंत नंतर उत्तरा फाल्गुनी.

चंद्र राशी – सिंह 16.52 पर्यंत नंतर कन्या.

_________________________

आजचे राशीभविष्य

मेष – ( शुभ रंग – राखाडी)

नोकरदार मंडळी वरिष्ठांची मर्जी संपादन करू शकतील. आज अति आत्मविश्वास नुकसानास कारणीभूत होईल. वैवाहिक जोडीदाराकडून आज फार अपेक्षा नकोत.

वृषभ – ( शुभ रंग – डाळिंबी)

आज तुमचा उंची राहणीमानाकडे कल असेल, विलासी वृत्ती बळावेल, कला क्रीडा क्षेत्रातील मंडळींच्या महत्वकांक्षा वाढणार आहेत प्रेम वीरांसाठी आज ग्रीन सिग्नल आहे.

मिथुन – (शुभ रंग – पिस्ता)

कौटुंबिक जीवन समाधानी असल्याने तुम्ही घराबाहेरही आपल्या कर्तृत्वाचा ठसा उमटवू शकाल. आज पैशाची चणचण भासणार नाही. आईचे मन मात्र आज दुखावू नका.

Pavana Dam : पाणीकपात टळणार, धरण परिसरात पावसाचा जोर वाढला

कर्क – (शुभ रंग- पांढरा) Today’s Horoscope 5 July 2022

आज तुमचा बराचसा वेळ घराबाहेर जाईल. बेरोजगारांच्या भटकंतीला यश येऊन मनाजोगत्या नोकरीचे प्रस्ताव येतील. भावाभावांमध्ये सामंजस्याची भावना राहील.

सिंह – ( शुभ रंग- हिरवा)

मोठे आर्थिक निर्णय उद्यावर ढकललेत तर बरे होईल. विश्वासातील माणसाकडून विश्वासघात होण्याची शक्यता आहे. आज कोणालाही न मागता सल्ला देऊ नका.

कन्या – ( शुभ – रंग भगवा)

आपल्या कुवती बाहेर जबाबदाऱ्या स्वीकारू नका. महत्त्वाचे निर्णय घेण्याच्या वेळी द्विधा मनस्थिती होणार आहे. एखाद्या चालू उपक्रमात अडथळा येण्याची शक्यता आहे.

तूळ – (शुभ रंग – नारिंगी)

आकस्मिकपणे आलेल्या व्यवसायिक अडचणींवर यशस्वीपणे मात कराल. इतरांनी दिलेल्या आश्वासनांवर मुळीच अवलंबून राहू नका. दिवस खर्चाचा आहे बिनधास्त खर्च करा. आज बचतीचा विचारच नको.

वृश्चिक – ( शुभ रंग –  केशरी)

कौटुंबिक सदस्यांमध्ये सामंजस्य राहील. विवाह जुळवणी विषयी  बोलणी करायची असतील तर आजचा दिवस योग्य आहे. कार्यक्षेत्रात ध्येयपूर्तीच्या दिशेने यशस्वी वाटचाल कराल.

धनु – (शुभ रंग – स्ट्रॉबेरी)

काही मनाविरुद्ध घटना तुम्हाला बेचैन करतील. कौटुंबिक प्रश्‍नांकडे दुर्लक्ष होईल. वैवाहिक जीवनात संध्याकाळी थोडेसे मतभेद होतील परंतु त्यातून सामंजस्याने मार्ग निघेल.

मकर – ( शुभ रंग – गुलाबी) Today’s Horoscope 5 July 2022

ज्येष्ठ मंडळींनी तरुणांना सल्ले देण्याचा ठेका घेऊ नये. आज तुमचा अध्यात्मिक मार्गाकडे ओढा असणे हिताचे राहील. आजी-आजोबांनी घरगुती प्रश्‍नात लक्ष न घालता नातवंडाबरोबर रमावे.

कुंभ – (शुभ रंग – मोरपंखी)

कार्यक्षेत्रात सावधगिरीने पावले टाकायला हवीत. नवीन ओळखीत लगेच विश्वास ठेवू नका. आज ताकही फुंकून पिणे हिताचे राहील. गाडी चालवताना कोणतीही रिस्क नको.

मीन – ( शुभ रंग -आकाशी)

तुमचे मनोबल व आत्मविश्वास वाढवणाऱ्या काही घटना घडतील. अनेक किचकट कामे मार्गी लागतील. नोकरीसाठी दिलेले इंटरव्ह्यू यशस्वी होतील.

!! शुभम भवतु!!

– जयंत कुलकर्णी.

फोन ९६८९१६५४२४

( ज्योतिषी व वास्तु सल्लागार)