Akurdi : सावरकर चौकातील सिग्नल बंद पडल्याने वाहतूक कोंडी
एमपीसी न्यूज – निगडी प्राधिकरणातील म्हाळसाकांत महाविद्यालयाजवळ स्वातंत्र्यवीर सावरकर चौकातील लोकमान्य हॉस्पिटलकडे दिशेने जाणाऱ्या मार्गावरील सिग्नल बंद पडला (Akurdi ) आहे. एक आठवड्याचा कालावधी उलटूनही सिग्नल दुरुस्त करण्यात आला नाही. यामुळे चौकात वाहतूक कोंडी होत असून वाहन चालकांचा संभ्रम वाढत आहे.
खंडोबा माळ चौकातून आकुर्डी गावठाण मार्गे प्राधिकरणात जाणारा हा प्रमुख मार्ग आहे. शाळा, महाविद्यालयातील विद्यार्थी व पादचारी या चौकातून रस्ता ओलांडत असतात.
सिग्नल बंद असल्याने वाहनचालक बेशिस्तपणे वाहने चालवत आहेत. बेशिस्त वाहन चालकांवर लक्ष ठेवण्यासाठी वाहतूक पोलीसही चौकात उपस्थित नाहीत.
काही वाहनचालक थांबावे की पुढे जावे याच संभ्रमात आहेत.