Bhosari : कवी उद्धव कानडे आणि महाराष्ट्र कामगार कल्याण मंडळाचे  निरिक्षक संजय सुर्वे यांना श्रद्धांजली सभेद्वारे अभिवादन

प्रख्यात कवी विठ्ठल वाघ, टाटा मोटर्सचे माजी सरव्यवस्थापक मनोहर पारळकर, महाराष्ट्र कामगार साहित्य परिषदेचे अध्यक्ष पुरुषोत्तम सदाफुले, नारायण सुर्वे साहित्य कला अकादमीचे अध्यक्ष सुदाम भोरे, कष्टकरी संघर्ष महासंघाचे अध्यक्ष काशिनाथ नखाते, महाराष्ट्र साहित्य परिषद भोसरी शाखेचे अध्यक्ष मुरलीधर साठे, लायन्स क्लब भोजापुरचे अध्यक्ष डॉ. शंकर गायकवाड, दिलासा आणि शब्दधन काव्यमंचाचे अध्यक्ष सुरेश कंक, अशोक सहकारी बँकेचे अध्यक्ष राजरत्न शीलवंत, साहित्यिक शिवाजी चाळक, निवेदक दिगंबर ढोकले, सुप्रिया सोलांकुरे, गरवारे वॉल रोपचे कामगार प्रतिनिधी भगवान धाडवे, सलीम डांगे,किरण साडेकर,संतोष चव्हाण, परमेश्वर बिराजदार यांची उपस्थिती होती.

यावेळी मनोहर पारळकर म्हणाले,  ‘माणसाचा जन्म झाला की एक दिवस मृत्यू होणारच असतो. पण शारीरिक काळजी म्हणून मधुमेह, रक्तदाब असे विकार निष्पन्न झाल्यावर माणसांनी नियमित औषधे आणि गोळ्या खाणे क्रमप्राप्त आहे. यात चुका होऊ देऊ नयेत.वाढत्या वयात  शरीरस्वास्थ  जपायला शिकावे. कवी उद्धव कानडे आणि संजय सुर्वे यांच्या या श्रद्धांजली सभेतील सर्वांनीच या नियमांचे पालन करणे हीच खरी श्रद्धांजली आहे.

डॉ. अनु गायकवाड यांनीही मनोगतातून सूचित केले की, आजच्या काळात मधुमेह अन् हृदयविकार याचे वाढते प्रमाण लक्षात घेऊन नियमित शारीरिक चाचण्या करून घ्याव्यात. रक्त पातळ होण्याच्या गोळ्या, मधुमेहाच्या गोळ्या घेण्यात कसूर करू नये,असे मत पा यांनी मांडले.

यावेळी कामगार भूषण जयवंत भोसले, कामगार नेते अरुण गराडे, मुकुंद आवटे, अरुण इंगळे यांनीही भावपूर्ण श्रद्धांजली समर्पित केली. पसायदान म्हणून शोकसभेची सांगता ( Bhosari) झाली.