Chikhali : खुनाच्या गुन्ह्यातील आरोपीच्या कुटुंबियांची पिडीत कुटुंबाला मिटवून घेण्यासाठी धमकी
एमपीसी न्यूज – चिखली येथे भर दिवसा गोळ्या घालून ठार मारलेल्या ( Chikhali) आरोपीच्या कुटुंबीयांनी मयत तरुणाच्या कुटुंबियांना मिटवून घेण्याची धमकी दिली. खुनाच्या गुन्ह्यात फिर्यादीच्या कुटुंबीयांनी आरोपींना मदत करावी अन्यथा संपूर्ण कुटुंबाला जीवे मारण्याचे धमकीत म्हटले आहे. ही घटना रविवारी (दि. 11) सकाळी महादेव नगर, चिखली येथे घडली.
म्हणून झाला कृष्णाचा खून
मागील वर्षी नवरात्रीच्या उत्सवात विकास साने यांनी पाटीलनगर चिखली येथील मैदानावर दांडिया कार्यक्रम आयोजित केला होता. त्या कार्यक्रमात कृष्णा आणि आरोपी यांचे भांडण झाले होते. त्यानंतर कृष्णा याची चिखली परिसरात प्रतिष्ठा वाढू लागली. या रागातून त्याचा गोळ्या झाडून खून केल्याचे समोर आले आहे.
मुख्य आरोपीला साताऱ्यातून अटक
या खून प्रकरणातील मुख्य आरोपी सौरभ उर्फ सोन्या बाळासाहेब पानसरे याला सातारा जिल्ह्यातील जावळी तालुक्यातून अटक करण्यात आली. पिंपरी चिंचवड गुन्हे शाखेच्या युनिट एकने ही कारवाई केली ( Chikhali) होती.
