Khed: गांजा विक्रीप्रकरणी महिलेस अटक
पोलिसांनी खालूंब्रे येथील 54 वर्षीय महिलेला अटक केली आहे. तिच्यासह तिचा साथीदार विशाल घोजगे (रा. कान्हेफाटा, वडगाव मावळ) याच्या विरोधात गुन्हा दाखल करण्यात आला(Khed) आहे.
पोलिसांनी दिलेल्या माहितीनुसार, “खेड तालुक्यातील खालूंब्रे येथे एक महिला गांजा विक्रीसाठी आली असल्याची माहिती अंमली पदार्थ विरोधी पथकाला मिळाली. त्यानुसार पोलिसांनी सापळा लावून महिलेला ताब्यात घेतले. तिच्या ताब्यातील एक लाख 90 हजार 500 रुपये किमतीचा तीन किलो 810 ग्रॅम गांजा जप्त करण्यात आला आहे”.
आरोपी महिलेने हा गांजा कान्हे फाटा, वडगाव मावळ येथील विशाल घोजगे याच्याकडून आणला असल्याचे तपासात सांगितले. त्यानुसार पोलिसांनी विशाल घोजगे विरोधात देखील गुन्हा नोंदवला आहे. महाळुंगे एमआयडीसी पोलीस तपास करीत आहेत.