Lockdown 5.0 Pune Update: पुणे शहरासाठीची नियमावली आज जाहीर करणार- महापौर

एमपीसी न्यूज – केंद्र शासनाच्या पाठोपाठ राज्य शासनानेही कोरोना लॉकडाऊनला 30 जूनपर्यंत मुदतवाढ दिली आहे. त्याप्रमाणे राज्य शासनाने आज मार्गदर्शक सूचनाही जारी केल्या. पुणे शहरासाठीची नवीन नियमावली महापालिकेच्या वतीने आज (सोमवारी) प्रसिद्ध करण्यात येईल, असे महापौर मुरलीधर मोहोळ यांनी रात्री उशिरा ट्वीट करून जाहीर केले.

राज्य शासनाने दिलेले आदेश आणि स्थानिक पातळीवर निर्णय घेण्यासाठी दिलेली मुभा याला अनुसरून नवीन नियमावली बनविण्याचे काम सुरू असून ही नवी नियमावली महापालिकेतर्फे आज (सोमवारी) प्रसिद्ध केली जाणार आहे, असे त्यांनी म्हटले आहे.

दरम्यान, पिंपरी-चिंचवड महापालिकेचे आयुक्त श्रावण हर्डीकर यांनी उद्योगनगरीसाठी लॉकडाऊन 5.0 चे आदेश काल रात्री काढले.

• Lockdown 5.0 PCMC Guidelines: पिंपरी-चिंचवड महापालिकेतर्फे मार्गदर्शक सूचना जारी, जाणून घ्या… नवे नियम! 

#Lockdown5 आणि #Unlock1 च्या अनुषंगाने पुणे शहरातील नियमावली उद्या (सोमवारी) प्रसिद्ध केली जाणार आहे. यात राज्य सरकारने दिलेले निर्देश आणि स्थानिक पातळीवर दिलेली मुभा, याला अनुसरून ही नियमावली तयार केली जाते.

— Murlidhar Mohol (@mohol_murlidhar) May 31, 2020