Measles patients : मुंबईत गोवरच्या रुग्णसंख्येत वाढ, नागरिकांनो गोवरबाबत काळजी घ्या; पालिकेचे आवाहन
एमपीसी न्यूज – मुंबईत गोवरच्या रुग्णसंख्येत लक्षणीय वाढ झाली असून पिंपरी-चिंचवड शहरातील नागरिकांनी गोवरबाबत काळजी घ्यावी. (Measles patients) अंगावर लाल पुरळ किंवा लाल रंगाचे रॅशेस येणे या आजाराची प्रमुख लक्षणे मानली जातात. मुलांना गोवरची लक्षणे असल्यास शाळेत आणि इतर कुठल्याही गर्दीच्या ठिकाणी पाठवू नये. घरच्याघरी उपचार किंवा अंगावर काढू नये. लहान मुलांमध्ये लक्षणे नसली तरीही बालकांचे लसीकरण करून घ्यावे असे आवाहन महापालिकेने केले आहे.
गोवर हा वेगाने पसरणारा आजार आहे. पॅरामिक्सो व्हायरसमुळे हा आजार होतो. हा विषाणू सर्वप्रथम श्वसनमार्गाला संक्रमित करतो. अंगावर लाल पुरळ किंवा लाल रंगाचे रॅशेस येणे या आजाराची प्रमुख लक्षणे मानली जातात. सुरुवातीला मुलांना खोकला आणि सर्दी ही लक्षणे दिसतात. तसेच डोळे लाल होऊ शकतात. बालकांमध्ये अशक्तपणा जाणवतो. प्रामुख्याने पाच वर्षाखालील बालकांमध्ये हा आजार आढळत असल्याने कुटुंबियांनी गोवरच्या लक्ष ठेवावे.
Pimpri Corona Update : शहरात आज 24 नवीन रुग्णांची नोंद; 7 जणांना डिस्चार्ज
मुलांना गोवरची लक्षणे असल्यास शाळेत आणि इतर कुठल्याही गर्दीच्या ठिकाणी पाठवू नये. तसेच गोवर हा वेगाने पसरणारा आजार असल्याने लहान मुलांमध्ये गोवरची लक्षणं दिसल्यास बालकास तातडीने नजिकच्या महापालिकेच्या रुग्णालय, दवाखान्यातील वैद्यकीय अधिकाऱ्यांना दाखवावे. घरच्याघरी उपचार किंवा अंगावर काढू नये. कारण गोवर हा संसर्गजन्य आजार आहे.
पिंपरी-चिंचवड शहरामध्ये सद्यस्थितीत गोवर रुग्ण आढळले नाहीत. तथापि, आपल्या घरातील लहान बालकांना गोवर आजार होऊ नये यासाठी 9 महिन्यांचे बालक आणि 16 महिन्यांच्या बालकांना गोवर-रुबेला प्रतिबंधक लस दिली जाते. कोणत्याही कारणास्तव पालकांनी ही लस मुलांना दिली नसेल (Measles patients) तरी पाच वर्षापर्यंत मुलांना ही लस देता येते. हे लसीकरण विशेषतः दर गुरुवारी तसेच मनपा दवाखाना, रुग्णालयाने निश्चित केलेल्या ठिकाणी स. 9.30 ते 3.30 या कालावधीत मोफत उपलब्ध आहे. त्यामुळे लहान मुलांमध्ये लक्षणे नसली तरीही बालकांचे लसीकरण करून घ्यावे असे आवाहन आरोग्य वैद्यकीय अधिकारी डॉ. पवन साळवे यांनी केले आहे.
