Pimpri News : आमदार अण्णा बनसोडे यांच्यातर्फे कलाकार संघाच्या सभासदांना दिवाळी फराळ, अन्नधान्य किट वाटप
एमपीसी न्यूज – राष्ट्रवादी काँग्रेसचे आमदार अण्णा बनसोडे यांच्यातर्फे पिंपरी-चिंचवड कलाकार संघाच्या सुमारे 300 सभासदांना दिवाळी फराळ, अन्नधान्य किट वाटप करण्यात आले. तसेच कलाक्षेत्रात गेल्या अनेक वर्षापासून कार्यरत असणाऱ्या कलावंतांचा सत्कार करण्यात आला.
ऑर्केस्ट्रा- लोकसंगीत-लोककला क्षेत्रात मोलाचे योगदान देणारे मोहम्मद रफी, शेख इक्बाल, दरबार, माणिक बजाज, सुबोध चांदवडकर, शंकर जाधव, शशिकांत कोठवळे, रुहि संगमनेरकर, अलका जगताप, शीतल चोपडे, संगीता लाखे, अर्चना जावळेकर, शिवांगी शर्मा, उषा करंबळेकर, वर्षा जगताप, जूनियर अमिताभ बच्चन, ज्यू.रजनीकांत, ज्यू. जॉनी लिव्हर, ज्यू. देवानंद तसेच अवसरी दादा या सर्व कलाकारांचा सन्मान करण्यात आला.
सदर कार्यक्रमाची सुरुवात सचिन काटे यांच्या गोंधळी ग्रुपने केली. त्यामध्ये भक्तिगीते व गोंधळ गीते गायली गेली. त्यानंतर शिल्पा भवार, स्वाती यांनी या ठिकाणी गीते सादर केली. महेंद्र भांबेड यांच्या डान्स ग्रुपने नृत्यकला सादर केली. त्यासोबतच बहारदार लावणी नृत्याचा कार्यक्रम सादर केला. त्यांना अमोल पांढरे गणेश गायकवाड, अमीर शेख आणि अजित कदम यांची साथ मिळाली. कार्यक्रमाचे सूत्रसंचालन चित्रसेन भवर,केडी कड,महेंद्र अडसूळ यांनी केले. संस्थेचे अध्यक्ष विजय उलपे यांनी आमदार अण्णा बनसोडे यांचे आभार मानले.
आमदार अण्णा बनसोडे यांनी यावेळी उपस्थित कलाकारांना दिवाळीच्या शुभेच्छा दिल्या. सर्व कलाकार बंधू भगिनींच्या पाठीशी मी कायम उभा असेल त्याचे प्रश्न सांस्कृतिक मंत्री अमित देशमुख यांना भेटून सोडवणार आहे असे आश्वासन दिले.
कार्यक्रमास माजी आमदार विलास लांडे, माजी नगरसेवक प्रसाद शेट्टी, संदीप चिंचवडे, जगदीश शेट्टी, काळूराम पवार, सनी ओव्हाळ, सामाजिक कार्यकर्त्या नीता ढमाले, सतीश लांडगे, निलेश शिंदे व इतर मान्यवर उपस्थित होते. कार्यक्रम सुनियोजित व उत्तम रित्या पार पाडण्यासाठी आमिर शेख, संजय मगर, मीठू पवार व पिंपरी-चिंचवड कलाकार संघाच्या पदाधिकाऱ्यांनी मेहनत घेतली.
