Laxman Jagtap : आमदार लक्ष्मण जगताप यांची उणीव जाणवत राहील – अजित पवार
एमपीसी न्यूज : चिंचवडचे आमदार लक्ष्मण जगताप यांच्या निधनाने जनतेच्या प्रश्नासाठी तळमळीने काम करणारा झुंजार लोकप्रतिनिधी, जवळचा सहकारी गमावला असल्याची भावना (Laxman Jagtap) व्यक्त करत विधानसभेचे विरोधी पक्षनेते अजित पवार यांनी त्यांना श्रध्दांजली वाहिली आहे.
विरोधी पक्षनेते अजित पवार आपल्या शोकसंदेशात म्हणतात की, चिंचवडचे आमदार लक्ष्मण जगताप यांनी सर्वसामान्य जनतेचे प्रश्न सोडविण्यासाठी तळमळीने काम केले. राजकीय, सामाजिक जीवनात त्यांनी केलेले काम कायम स्मरणात राहील. त्यांच्या निधनाने सर्वसामान्य जनतेचे प्रश्न विधीमंडळात मांडणारा धडाडीचा लोकप्रतिनिधी आपण गमावला आहे.
Pune News : शिवाजीनगर, कोथरूड परिसरात गुरुवारी पाणी पुरवठा राहणार बंद
पिंपरी-चिंचवड शहराच्या विकासात त्यांचे मोलाचे योगदान होते. सर्वसामान्यांच्या प्रश्नासाठी तडफेने काम करणाऱ्या लोकप्रतिनिधीची, सहकाऱ्याची उणीव कायमच जाणवेल. (Laxman Jagtap) राजकीय, सामाजिक क्षेत्रात त्यांनी केलेले काम पिंपरी-चिंचवड परिसरातील जनता कधीही विसरु शकणार नाही, अशा शब्दात अजित पवार यांनी आमदार लक्ष्मण जगताप यांना श्रध्दांजली वाहिली आहे.
चिंचवडचे आमदार लक्ष्मण जगताप यांच्या निधनानं जनतेच्या प्रश्नासाठी तळमळीनं काम करणारा झुंजार लोकप्रतिनिधी, जवळचा सहकारी आज गमावला आहे. राजकीय, सामाजिक जीवनात त्यांनी केलेलं काम कायम स्मरणात राहील. पिंपरी-चिंचवड शहराच्या विकासात त्यांचं मोलाचं योगदान होतं.भावपूर्ण श्रद्धांजली! pic.twitter.com/OkZFpYWAHJ
— Ajit Pawar (@AjitPawarSpeaks) January 3, 2023