Pimpri: महापालिका स्थायी समितीची 93 कोटीच्या विकास कामांना मंजुरी 

0 281

एमपीसी न्यूज – पिंपरी-चिंचवड शहरातील विविध विकास विषयक कामे करण्यासाठी येणा-या सुमारे 93 कोटी 28 लाख सहा  हजार रुपयांच्या खर्चास स्थायी समितीच्या बैठकीत मान्यता देण्यात आली.

HB_POST_INPOST_R_A

स्थायी समिती सभागृहात आज झालेल्या या सभेच्या अध्यक्षस्थानी विलास मडिगेरी होते. मनपाच्या स्थापत्य विभागाकडील भोसरी ते वाकड बीआरटीएस रस्त्यावरील विविध सेवावाहिन्या टाकण्यासाठी खोदलेला रस्ता व पदपथ यांचे चर पुर्वरत करण्यासाठीयेणा-या सुमारे दोन कोटी 46 लाख 10 हजार रुपयांच्या खर्चास,  प्रभाग क्र.20 मधील आमंत्रण हॉटेल शेजारील नाला ते कुंदननगर मायानगरी, नाशिक फाटा परिसर व उर्वरीत भागात मुख्य जलनि:सारण नलिका बदलणेकामी येणा-या सुमारे 52 लाख 61  हजार रुपयांच्या खर्चास स्थायी समिती बैठकीत मान्यता देण्यात आली.

प्रभाग क्र.12 मधील तळवडे,रूपीनगर,त्रिवेणीनगर येथे पेव्हींग ब्लॉक बसविणे व दुरूस्ती करणेकामी येणा-या सुमारे 59  लाख 65  हजार रुपयांच्या खर्चास,  महापालिका हद्दीतून वाहणा-या इंद्रायणी नदीपात्रातील हायसिंथ (जलपर्णी)काढून 8 महिने कालावधीत नदीपात्र नियमित स्वच्छ ठेवणे कामीयेणा-या सुमारे 31 लाख 22 हजार रुपयांच्या खर्चास,  उद्यान विभागासाठी कष्टमाईज फॅब्रीकेटेड लोखंडी बेंच आवश्यक साहित्य खरेदीकरणेकामी येणा-या सुमारे 99 लाख 22 हजार रुपयांच्या खर्चास या बैठकीत मान्यता देण्यात आली.

राजीव गांधी पुलापासून ते डांगे चौकापर्यंत बीआरटीएस मार्गावरील फुटपाथमध्ये विविध सेवावाहिन्या टाकण्यासाठी खोदलेलेचर बुजविणे व फुटपाथ दुरूस्ती करणेकामीयेणा-या सुमारे 2 कोटी 31 लाख 73 हजार रुपयांच्या खर्चास,  प्रभाग क्र.3 येथील सर्व्हे क्र.519 ते 475 पर्यंतचा 30 मी. डि.पी. रस्ता विकसित करणेकामी येणा-या सुमारे 38 कोटी 24  लाख 70 हजार रुपयांच्या खर्चास, तसेच साईमंदीर, कोतवालवाडी, च-होली गावठाण इ. भागातील रस्ते विकसित करणेकामी येणा-या सुमारे 10 कोटी 77 लाख 82  हजार रुपयांच्या खर्चासही या बैठकीत मान्यता देण्यात आली.

HB_POST_END_FTR-A3

भोसरी स.नं.1 मधील खेळाचे मैदानासाठी प्रेक्षक गॅलरी उभारणेकामीयेणा-या सुमारे 12 कोटी 32  लाख सहा हजार रुपयांच्या खर्चास,  प्रभाग क्र. 35 येथील स.नं.1 मधील आंतरराष्ट्रीय कुस्ती प्रशिक्षण केंद्राचे उर्वरीत अनुषंगीककामे करणेकामी येणा-या सुमारे 8 कोटी 77  लाख 2 हजार रुपयांच्या अशा 93 कोटी रुपयांच्या विकास कामांना या बैठकीत मान्यता देण्यात आली.

HB_POST_END_FTR-A4
HB_POST_END_FTR-A1
%d bloggers like this: