Pimpri Corona Update : रुग्णसंख्या 85 हजार पार, आज 233 नवीन रुग्ण, 472 जणांना डिस्चार्ज, 12 मृत्यू

0

एमपीसी न्यूज – मागील पंधरा दिवसांपासून पिंपरी-चिंचवड शहरातील रुग्णसंख्येला ब्रेक लागला आहे. नवीन रुग्णसंख्येत मोठी घट होत आहे. ही दिलासादायक बाब मानली जात आहे. शहराच्या विविध भागातील 228 आणि पालिका हद्दीबाहेरील 5 अशा 233 नवीन रुग्णांची आज (शुक्रवारी) नोंद झाली आहे. यामुळे शहरातील आजपर्यंतची रुग्णसंख्या 85 हजार 114 झाली आहे. उपचाराला दहा दिवस पूर्ण झालेल्या आणि कोणतीही लक्षणे नसलेल्या 472 जणांना डिस्चार्ज देण्यात आला आहे.

शहरातील 7 जणांचा आणि पालिका हद्दीबाहेरील 5 अशा 12 रुग्णांचा आज मृत्यू झाला आहे. त्यात चिंचवड, पिंपरी, भोसरी, सांगवी, थेरगाव, काळेवाडी, आळंदी, जुन्नर, शेंडेवाडी, शिवाजीनगर येथील रुग्णांचा मृत्यु झाला आहे.

शहरात आजपर्यंत 85 हजार 114 जणांना कोरोनाची लागण झाली आहे. त्यातील 80 हजार 752 जण बरे होऊन घरी गेले आहेत.

शहरातील 1464 जणांचा तर शहराबाहेरील परंतू महापालिका रूग्णालयात उपचार घेणार्‍या 596 अशा 2060 जणांचा आजपर्यंत कोरोनामुळे मृत्यू झाला आहे. सध्या 2209 सक्रीय रूग्णांवर पालिका रुग्णालय, कोविड केअर सेंटर मध्ये उपचार सुरू आहेत.

 

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.