Loksabha Election : ‘वारसा हक्क संपत्तीकर लावण्याचे मनसुबे 2019 साली भाजपचेच’ – गोपाळ तिवारी 

अमेरिकन वास्तव्य असलेल्या पित्रोदांच्या विघानाचा कपोलकल्पित आघार घेत व अकलेचे तारे तोडत काँग्रेस भारतात वारसा हक्क संपत्ती कर लावून देशातील नागरीकांची संपत्ती लुटण्याचे कट कारस्थान रचत असल्याचा बालीश व हास्यास्पद आरोप करत असल्याचे प्रतिपादन काँग्रेस राज्य प्रवक्ते गोपाळ तिवारी यांनी केले.

ते पुढे म्हणाले की,मुळात भाजप नेते व प्रवक्त्यांनी किमान हे लक्षांत ठेवावयास हवे होते की, “काँग्रेसचा न्याय पत्र जाहीरनामा” हा सत्ताधारी पक्षाच्याही अगोदर जाहीर झाला आहे.त्यामध्ये “वारसाहक्क संपत्ती कराचा” कुठेही ऊल्लेख नाही.किमान आरोप करण्यापूर्वी हे तरी तपासले पाहिजे होते. तसेच जर ‘वारसा हक्क संपत्तीकराच्या’ रुपाने देशातील नागरीकांची संपत्ती लुटण्याचे कट कारस्थान” जर कोणी केले असेल, तर दस्तूरखुद्द मोदी – शहांच्या विकसीत भाजपने 2019 मध्ये तत्कालीन अर्थमंत्री जयवंत सिन्हा यांनी वारसा हक्क संपत्ती कर भारतात लागू करण्याचे विधान केले होते. किमान हे तरी भाजपच्या भाषणजीवी नेतृत्वाने लक्षात घ्यायला हवे होते. त्यामुळेच ‘कट कारस्थान करण्याचा डीएनए हा भाजपचाच’ असल्याचे ध्यानात येईल अशी पुष्टी काँग्रेस राज्य प्रवक्ते गोपाळ तिवारी(Loksabha Election) यांनी जोडली.