Pune : संविधान’ हीच स्वतंत्र भारताची ओळख असून, ‘संविधान आधारीत देशाची वाटचाल’ हीच बाबासाहेबांना आदरांजली – गोपाळ तिवारी

महाराष्ट्र प्रदेश काँग्रेस पक्षाच्या (Pune) वकील विभागातर्फे महामानव डॅा. आंबेडकरांचे प्रतिमेस काँग्रेस नेते गोपाळ तिवारी यांच्या हस्ते पुष्पहार अर्पण करून अभिवादन कार्यक्रमात ते बोलत होते. या प्रसंगी ॲड. फैयाज शेख (Pune)  यांनी स्वागत व प्रास्ताविक केले. ॲड. शहीद अख्तर यांनी मनोगत व्यक्त केले. या प्रसंगी ॲड. श्रीकांत पाटील, ॲड राजेंद्र काळेबेरे, ऍड. अतुल गुंड पाटील, ऍड. सुरेश देवकर, ऍड. विद्या पेळपकर, ऍड. अंजु डिसूझा, सुरेश नांगरे, ॲड. बाळासाहेब बामणे, ऍड. वैभव कांबळे,राजू साठे, राजेश सुतार इत्यादी उपस्थित होते.आभार प्रदर्शन ऍड. विजय तिकोने यांनी केले.

ते पुढे म्हणाले की, राजे शाही / निजाम शाहीत’ विभागलेल्या खंडप्राय भारतास, ब्रिटीशांच्या गुलामगिरीच्या जोखंडातून, अहिंसेच्या व मुत्सदेगिरीच्या मार्गाने सोडवण्याचे महत्त्वपूर्ण  कार्य महात्मा गांधी, पंडित नेहरू, सरदार पटेल, चंद्रशेखर आझाद,नेताजी बोस आदींनी केले. तसेच, भगतसिंग , राजगुरू, सुखदेव अशा हजारो स्वातंत्र्यवीरांच्या बलिदानामुळे व अविरत संघर्षामुळे देशास स्वातंत्र्य मिळाले ही वास्तवता आहे.

 डॉ. बाबासाहेब आंबेडकरांच्या संविधानामुळे संघराज्यप्रणित स्वतंत्र प्रजासत्ताक भारताची ओळख जगासमोर निर्माण झाली हे वास्तव आहे. त्यामुळे ‘भारतीय संविधान प्रती जागरूक रहाणे व संविधानाचे अर्थात् भारतीय राज्यघटनेचे संरक्षण करणे प्रत्येक भारतीय नागरिकाचे कर्तव्य आहे. त्यामुळेच “लोकशाहीरुपी भारताची संविधान आधारीत वाटचाल हीच खऱ्या अर्थाने भारतरत्न डॅा. बाबासाहेब आंबेडकर यांना आदरांजली ठरेल” असे वक्तव्य या प्रसंगी काँग्रेस राज्य प्रवक्ते गोपाळ तिवारी यांनी केले.