Punawale : मोबाईल लोन करून देण्याच्या बहाण्याने नागरिकांची 55 हजारांची फसवणूक
एमपीसी न्यूज – मोबाईलचे लोन करून देतो म्हणत तक्रारदाराच्या ( Punawale ) कागदांचा गैरवापर करून 55 हजारांची फसवणूक केली आहे. ते 15 जुलै दरम्यान पुनावळे येथील साई सिद्धी मोबाईल सेंटर येथे घडला आहे.
सिकंदर श्रावण भालेराव ( वय 43 रा. पुनावळे) यांनी रावेत पोलीस ठाण्यात फिर्याद दिली असून शरद बाळू जाधव याच्यावर गुन्हा दाखल करुन अटक करण्यात आली आहे.
पोलिसांनी दिलेल्या माहितीनुसार फिर्यादी यांनी आरोपीकडून मोबाईल घेण्यासाठी मोबाईल लोनची मागणी केली होती . यावेळी आरोपीने फिर्यादीचे कागदपत्र फिर्यादी कडून घेतले व त्यांचा गैरवापर करत फिर्यादींना 49 हजार 938 रुपयाचे लोन करून दिले व बँकेची आऊटस्टँडिंग असलेली रक्कम रुपये 55 हजार 229 केली. फिर्यादी यांनी या प्रकरणी रावेत पोलीस ठाण्यात गुन्हा दाखल ( Punawale ) केला आहे.
