Pune : शहरातील रस्त्यांवरील मंडप न हटवल्याबद्दल 22 गणेश मंडळावर पुणे महापालिकेची कारवाई
एमपीसी न्यूज – उत्सव संपल्यानंतरही (Pune) मंडप न काढणाऱ्या गणेश मंडळांवर पुणे महापालिका विभागाने कारवाई सुरू केली आहे. महापालिकेने गेल्या दोन दिवसांत अशा एकूण 22 मंडळांवर कारवाई करून साहित्य जप्त केले आहे. तर शहरातील रस्त्यांवरील मंडपाचे उरलेले साहित्य काढून टाकण्यासाठी गणेश मंडळांना 7 ऑक्टोबरपर्यंत मुदत देण्यात आली आहे.
अधिकाऱ्यांच्या म्हणण्यानुसार, उत्सव संपल्यानंतर शहरातील रस्त्यांवरील मंडप हटविण्यासाठी गणेश मंडळांना दोन दिवसांची मुदत देण्यात आली होती. मात्र, त्यापैकी अनेकांनी अद्यापही मंडप हटवण्यास सुरुवात केलेली नाही, ज्यामुळे शहरातील रस्त्यावर प्रवास करताना प्रवाशांची गैरसोय होत आहे.
शहरातील गणेशोत्सवादरम्यान महापालिकेने एकूण 2 हजार 905 गणेश मंडळांना मंडप उभारण्याची परवानगी दिली होती. मंडळांना मंडप उभारताना रस्त्यावर अडथळे आणण्यास व जनतेची गैरसोय करण्यास मनाई करण्यात आली आहे. मुख्य पंडाल व्यतिरिक्त, नागरी अधिकार्‍यांनी उत्सवादरम्यान जाहिरातींचे होर्डिंग लावलेले आढळले.
Bhosari : भोसरीत तरुणाला शस्त्राचा धाक दाखवून केले अनैसर्गिक कृत्य
महापालिका आयुक्त विक्रम कुमार यांनी संबंधित अधिकाऱ्यांना अशा मंडळांवर कडक कारवाई करण्याचे निर्देश दिले आहेत. अधिकाऱ्यांनी सोमवारी (दि.2) सकाळी ज्या ठिकाणी हे पँडल आहेत त्या रस्त्यांवर बॅरिगेट्स लावून कारवाई सुरू केली आहे.
महापालिकेची धडक कारवाई सुरू झाली असून, अनेक मंडळांनी आपले मंडप काढण्यास सुरुवात (Pune) केली आहे. ज्या मंडळांच्या बाहेर किंवा आवारात अजूनही जाहिराती प्रदर्शित केल्या जातील त्यांच्यावर कठोर कारवाई करण्यात येईल आणि अनधिकृत जाहिराती देखील काढून टाकल्या जातील, असे अधिकाऱ्यांनी सांगितले.
