Talegaon Dabhade : शहरात नवरात्रोत्सव उत्साह भक्तिमय वातावरणात संपन्न

शहरातील विविध भागातील मंदिरामध्ये नवरात्रौत्सवाचे धार्मिक कार्यक्रम आयोजित करण्यात आले होते. दररोज महापूजा,भजन,प्रवचन विविध स्पर्धा खेळ पैठणीचा, होमहवन अशा कार्यक्रमाने शहरात धार्मिक  वातावरण निर्माण झाले होते.

दस-याचे दिवशी दाभाडे राज घराण्याचे परंपरेने शाळा चौकातील श्री विठ्ठल मंदिरात महापूजा सर सेनापती श्रीमंत सत्येन्द्रराजे दाभाडे  सरकार व याज्ञसेनीराजे यांचे हस्ते करण्यात आली.मंदिरातील विणा, मृदुंग,टाळ आदी भजन साहित्याची पुजा तसेच महाआरती त्यांचे हस्ते करण्यात आली.

दुपार नंतर घरोघरी बसविलेले घट पुरणपोळी बरोबरच गोड पदार्थाचा नैवेद्य दाखवून हलविण्यात आले. भाविकांनी नवरात्रौत्सवानिमित्त  केलेले उपवास सोडण्यात आले.सायंकाळी सार्वजनिक  ठिकाणी  बसविलेल्या देवीचे वाजत गाजत मिरवणूक काढुन विसर्जन करण्यात आले.

सायंकाळी ग्रामदैवत श्री डोळसनाथ महाराज यांची पालखीची ग्रामप्रदक्षिणा    काढण्यात आली होती. तर ग्रामस्थांनी घरोघरीजाऊन एकमेकांना आपट्याचे सोनं देऊन शुभेच्छा दिल्या. तर काही सार्वजनिक मंडळानी गरबा व दांडी याचे कार्यक्रम ठेवले होते.