Todays Horoscope 26 January 2022 : जाणून घ्या आजचे राशीफळ
आजचे पंचांग – वार बुधवार, दि. 26.01.2022
- शुभाशुभ विचार – आनंदी दिवस.
- आज विशेष – गणराज्य दिन.
- राहू काळ – दुपारी 12.00 ते 01.30.
- दिशा शूल – उत्तरेस असेल.
- आजचे नक्षत्र – स्वाती 20.06 पर्यंत नंतर विशाखा.
- चंद्र राशी – तुळ.
—————————————-
आजचे राशीभविष्य
मेष – ( शुभ रंग- निळा )
कार्यक्षेत्र स्वतःचे वर्चस्व सिद्ध कराल. ध्येयाचा पाठलाग करता करता प्रकृतीकडे तुमचे दुर्लक्ष होईल. आज वैवाहिक जीवनात तिसऱ्या व्यक्तीस थारा देऊ नका.
वृषभ – (शुभ रंग – मोरपिशी )
रुग्णांनी पथ्य पाण्याची काळजी घ्यायला हवी, अन्यथा एखादा बरा झालेला आजार उलटण्याची शक्यता आहे. आज विश्रांतीस प्राधान्य देणे अत्यंत गरजेचे आहे. कार्यक्षेत्रात विरोधक तुमच्या चुका शोधत आहेत, काळजी घ्या.
मिथुन – ( शुभ रंग – स्ट्रॉबेरी)
घरात आज आधुनिक सुख सुविधांसाठी खर्च कराल. आपले आवडते छंद जोपासण्यासाठी वेळ व पैसा खर्च कराल. नवोदित कलाकारांची प्रसिद्धीची हौस भागेल. स्वप्नपूर्तीचा दिवस.
कर्क- ( शुभ रंग – चंदेरी )
सर्व दैनंदिन कामे सुरळीत पार पडतील. आज गृहसौख्याचा दिवस असून कुटुंबियांस पुरेसा वेळ देण्याचा तुम्ही प्रयत्न कराल. मुलांचे हट्ट स्वखुशीने पुरवाल.
सिंह- ( शुभ रंग- जांभळा )
तुमच्या एखाद्या नकळत झालेल्या चुकीमुळे आर्थिक नुकसान सोसावे लागण्याची शक्यता आहे. दैनंदिन कामातही काही अडथळे संभवतात. गृहिणी घर स्वच्छतेचे मनावर घेतील.
कन्या- (शुभ रंग- पांढरा )
आज रिकामटेकड्या गप्पा टाळा कारण त्यातूनच गैरसमज पसरतील. गृहिणींनी झाकली मूठ झाकूनच ठेवणे हिताचे. प्रवासात खूपच दगदग होईल.
तूळ- ( शुभ रंग- भगवा )
आज वादविवादात तटस्थ राहा. भावनेच्या भरात कुणाला शब्द देऊ नका. आज जोडीदाराची साथ मोलाची राहील. वैवाहिक जीवनात जुन्या स्मृतींना उजाळा द्याल.
वृश्चिक- ( शुभरंग- पिस्ता )
आज काही बिले भरावी लागतील. काही अत्यावश्यक देणीही चुकवावी लागतील. हौस मौज करण्यावर थोडी मर्यादा येईल. आज कुवती बाहेर जबाबदाऱ्या अजिबात स्वीकारू नका. थोरांचे सल्ले विचारात घ्या.
धनु- ( शुभ रंग – आकाशी )
वैवाहिक जीवनात गोडीगुलाबी राहील. संततीकडून सुवार्ता येतील. जिवलग मित्र आज हिताचेच सल्ले देतील. पूर्वी केलेल्या एखाद्या गुंतवणूकीतून लाभ पदरी पडेल.
मकर- ( शुभ रंग- राखाडी )
कार्यक्षेत्रात वाढीव जबाबदाऱ्या टाळता येणार नाहीत. आज रिकाम्या गप्पांसाठी अजिबात वेळ मिळणार नाही. आज मित्रांना दोन हात लांब ठेवणे हिताचे आहे.
कुंभ – (शुभ रंग- तांबडा )
नवीन उपक्रमांची सुरुवात उद्याच केलेली बरी. गृहिणींचा आज देवधर्माकडे ओढा असेल व देवही आज नवसास पावेल. अधिकारी वर्गाने अधिकारां पेक्षा कर्तव्याचा विचार केलेला बरा.
मीन – ( शुभ रंग – केशरी )
नव्यानेच झालेल्या ओळखीत आर्थिक व्यवहार करू नका. शारीरिक कष्टाची कामे करणाऱ्यांनी आपल्या सुरक्षेची काळजी घ्यायला हवी. वैवाहिक जीवनात थोडीफार तू तू मैं मैं होऊ शकते.