Vanavadi : फुटबाॅल खेळताना झालेल्या वादातून टोळक्याची तरुणाला बेदम मारहाण
एमपीसी न्यूज – फुटबाॅल खेळताना झालेल्या वादातून टोळक्याने तरुणाला बेदम मारहाण केल्याची घटना (Vanavadi) वानवडी भागात घडली. या प्रकरणी सातजणांवर गुन्हा दाखल करण्यात आला असून, तिघांना अटक करण्यात आली आहे.
निहीर चंद्रकांत पटेल (वय 32), किशन पंडीत दळवी (वय 28), ब्रायन अलेक्झांडर (तिघे रा. घोरपडी) यांच्यासह सातजणांवर गुन्हा दाखल करण्यात आला आहे. याबाबत साहिल सुनील सिन्हा (वय 31) याने वानवडी पोलीस ठाण्यात फिर्याद दिली आहे.
साहिल हा आरोपी निहीरच्या ओळखीचा आहे. फुटबाॅल खेळताना त्यांच्यात वाद झाला होता. निहीर, किशन, ब्रायन यांच्यासह साथीदार हे साहिल राहत असलेल्या सोसायटीत शिरले. त्यांनी साहिलला शिवीगाळ आणि मारहाण करून तोडफोड केली.
त्या वेळी सोसायटीतील रहिवाशांनी मध्यस्थी करण्याचा प्रयत्न केला. आरोपींनी सोसायटीतील रहिवाशांना शिवीगाळ करून धमकावले.साहिलला वाचविण्यासाठी कोणी पुढे आले, तर त्याला जीवे मारू, अशी धमकी दिली. साेसायटीच्या आवारात दहशत माजवून आरोपी पसार झाले. पोलीस उपनिरीक्षक शितोळे तपास करत (Vanavadi) आहेत.
