Pune Crime News : बिश्नोईच्या मदतीने संतोष जाधवने मध्यप्रदेशातून 15 पिस्तूल आणले
एमपीसी न्यूज – प्रसिद्ध पंजाबी गायक सिद्धू मूसेवाला खून प्रकरणातील संशयित आरोपी संतोष जाधव सध्या पुणे ग्रामीण पोलिसांच्या कोठडीत आहे. दररोज त्याचे नवनवीन कारनामे उघड होत आहेत. संतोष जाधव (Pune Crime News) याच्या साथीदारांनी त्याच्या सांगण्यावरून मध्य प्रदेशातून 15 पिस्तूल आणल्याचे उघड झाले आहे. हे पिस्तूल आणण्यासाठी त्याला फरार आरोपी ज्याक उर्फ अमित पंडित व हनुमान उर्फ सचिन बिश्नोई यांनी मदत केल्याचे तपासात निष्पन्न झाले आहे.
Vasant More : वसंत मोरे यांचे आता शिंदे सरकारला चॅलेंज, म्हणाले हिम्मत असेल तर…
संतोष जाधव हा बिश्नोई टोळीशी संबंधित असल्याने त्याने या टोळीशी संबंधित काही गुन्हे केले आहेत का? पुणे ग्रामीण आणि इतर जिल्ह्यात त्यांनी आणखी काही गुन्हे केले आहेत का याचा तपास पोलिसांना करायचा आहे. त्यासाठी पोलिसांनी पोलीस कोठडीत वाढ करण्याचा युक्तिवाद कोर्टात केला होता. त्यानुसार न्यायालयाने जाधवच्या पोलीस कोठडीत 14 दिवसांची वाढ केली आहे.