संभाजीनगरमध्ये ”हास्यनाद” कार्यक्रम उत्साहात
एमपीसी न्यूज – पुण्यातील नवचैतन्य हास्ययोग परिवाराच्या वतीने संभाजीनगरमध्ये ”हास्यनाद” हा नि:शुल्क मानसे जोडणारा उपक्रम सुरु करण्यात आला आहे. या हास्य कल्बचे उद्घाटन नगरसेविका अनुराधा गोरखे यांच्या हस्ते झाले.
यावेळी हास्य क्लबचे अध्यक्ष विठ्ठल काटे, पिंपरी-चिंचवडच्या अध्यक्षा शीला झांबरे, सुमन काटे, मकरंद टिल्लू आदी उपस्थित होते.
यावेळी बोलताना नगरसेविका अनुराधा गोरखे म्हणाल्या, माणसे जोडल्याने मन मोकळे होते. सगळे ताण-तणाव नष्ट होतात. जाती-पातींच्या भिंती ओलांडून माणसे जोडण्याची कला हास्य देते. स्वत: आनंदी राहत इतरांना पण आनंदी करणे यातच सुखी जीवनाचा मार्ग आहे.
या कार्यक्रमाला 100 हून अधिक सभासद उपस्थित होते. विठ्ठल काटे आणि मकरंद टिल्लू यांनी उपस्थितांतकडून हास्याचे प्रकार करवून घेतले.