Alandi : विदेश यात्रा करण्याच्या बहाण्याने दाम्पत्याची टुरिस्ट कंपनीकडून दोन लाखांची फसवणूक
भालचंद्र सुरेश भोसले (वय 35, रा. धानोरे, ता. खेड) यांनी याप्रकरणी आळंदी पोलीस ठाण्यात फिर्याद दिली. त्यानुसार द ट्रॅव्हल्स गो या टूरिस्ट कंपनी विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, 17 एप्रिल ते 1 मे या कालावधीत द ट्रॅव्हल्स गो या टुरिस्ट कंपनीच्या प्रतिनिधींनी भालचंद्र भोसले यांच्याशी संपर्क केला. त्यांना मलेशिया आणि सिंगापूर दौऱ्याचे विमान तिकीट आणि हॉटेल बुकिंग करून देण्याच्या बहाण्याने त्यांच्याकडून वेळोवेळी दोन लाख 14 हजार रुपये घेतले. पैसे घेऊन कंपनीने भोसले यांचे कोणत्याही प्रकारचे तिकीट अथवा हॉटेल बुकिंग केले नाही. याबाबत भालचंद्र भोसले यांनी आळंदी पोलीस ठाण्यात फसवणुकीचा गुन्हा नोंदवला. आळंदी पोलीस तपास करीत आहेत.