Chinchwad : टाळेबंदीच्या आदेशाचे उल्लंघन करणा-या 168 जणांवर पोलिसांकडून कारवाई
टाळेबंदीच्या नियमांचे उल्लंघन झाल्यास पोलीस कारवाई करीत आहेत. : Police take action against 168 people for violating lockout order
एमपीसी न्यूज – पोलीस आणि प्रशासनाकडून नागरिकांना टाळेबंदीच्या नियमांची अंमलबजावणी करण्यासाठी वारंवार आवाहन केले जात आहे. मात्र, याकडे सर्रास नागरीक दुर्लक्ष करीत आहेत. अशा 168 जणांवर पोलिसांकडून गुरुवारी (दि. 6)कारवाई करण्यात आली.
राज्य सरकारने वाहनांमध्ये जाणा-या लोकांच्या संख्येत वाढ केली आहे. कारमधून चालक आणि दोन प्रवाशांना आतापर्यंत परवानगी होती.
मात्र, त्यात बदल करत आता चालक आणि तीन जणांना कारमधून जाण्यास तसेच दुचाकीवर दोघांना जाण्यास परवानगी देण्यात आली आहे.
तसेच एका जिल्ह्यातून दुस-या जिल्ह्यात प्रवास करायचा असेल तर पोलिसांकडून ई पास घेणे बंधनकारक आहे.
शासनाकडून टप्प्याटप्प्यात टाळेबंदीच्या नियमांमध्ये शिथिलता देण्यात येत आहे. अनेक दुकाने आणि अस्थापना अजूनही बंद आहेत. त्यातच शहरातील सार्वजनिक वाहतूक सेवा अजूनही बंद असल्याने नागरिकांची मोठी हेळसांड होत आहे.
त्यात टाळेबंदीच्या नियमांचे उल्लंघन झाल्यास पोलीस कारवाई करीत आहेत. त्यामुळे प्रशासनासह नागरिक देखील तारेवरची कसरत करीत आहेत.
गुरुवारी पिंपरी-चिंचवड पोलिसांनी भारतीय दंड विधान कलम 188 नुसार केलेली कारवाई पुढीलप्रमाणे –
एमआयडीसी भोसरी (45), भोसरी (5), पिंपरी (19), चिंचवड (10), निगडी (0), आळंदी (0), चाकण (3), दिघी (12), म्हाळुंगे चौकी (0), सांगवी (9), वाकड (8), हिंजवडी (10), देहूरोड (7), तळेगाव दाभाडे (8), तळेगाव एमआयडीसी (0), चिखली (25), रावेत चौकी (0), शिरगाव चौकी (7)
