PCMC : ‘मेरी माती मेरा देश’ अभियानासाठी नोडल अधिकाऱ्याची नियुक्ती
एमपीसी न्यूज – स्वातंत्र्याच्या अमृत महोत्सवाअंतर्गत पिंपरी-चिंचवड महापालिकेच्या मार्फत केंद्र सरकारच्या सूचनेनुसार “मेरी माती-मेरा देश” हा उपक्रम राबविला जाणार आहे. या कार्यक्रमासाठी क्रीडा विभागाचे उपायुक्त मिनिनाथ दंडवते यांची नोडल अधिकारी म्हणून नियुक्ती करण्यात आली आहे.
ITI : महापालिकेच्या मोरवाडी आयटीआय 37 जणांना प्रशिक्षणाची संधी
देशात स्वातंत्र्याच्या अमृत महोत्सवा अंतर्गत 9 ते 30 ऑगस्ट 2023 या कालावधीत “मेरी माती-मेरा देश” हा उपक्रम राबविला जाणार आहे. या कार्यक्रमाचे मुख्य उद्दिष्ट म्हणजे सकारात्मकता, देशभक्ती, स्वातंत्र्यसैनिक आणि हुतात्म्यांप्रती कृतज्ञतेचा उत्सव साजरा करणे आहे.
“मेरी माती-मेरा देश” या राष्ट्रीय उपक्रमासाठी महापालिका स्तरावर नोडल अधिकारी नियुक्त करण्याच्या केंद्र सरकारने सूचना दिल्या आहेत. त्यानुसार नोडल अधिकारी म्हणून उपायुक्त दंडवते यांची नियुक्ती करण्यात आली आहे.
