Talegaon Dahbhade : बाळा भेगडे यांचा लवकरच मोठा पदसत्कार: चंद्रकांत पाटील यांचे सूतोवाच
; तळेगाव दाभाडे शहरातील 12 कोटींच्या विकासकामांचे भूमिपूजन
एमपीसी न्यूज : निवडणुकीतील पराभवाने नाउमेद न होता माजी राज्यमंत्री बाळा भेगडे यांनी पक्षीय राजकारणात गेल्या चार वर्षात दिलेल्या महत्त्वाच्या सर्व जबाबदाऱ्या यशस्वी केल्या आहेत. पंढरपूर आणि गोवा विधानसभेच्या निवडणुकीतही त्यांनी दोन दोन महिने घरापासून दूर राहून मोलाचे योगदान दिले आहे. त्यात सारिका भेगडे यांची त्यांना मिळालेली साथ मोलाची आहे. मावळसह जिल्ह्यातील विकास कामांसाठी निधी उपलब्ध व्हावा म्हणून त्यांनी शासन दरबारी मोठा पाठपुरावा केला आहे. त्यांच्या या कार्याची दखल पक्ष लवकरच घेणार असून बाळा भेगडे यांचा भव्य सत्कार लवकरच करणार असल्याचे सूतोवाच पालकमंत्री चंद्रकांत पाटील यांनी रविवारी (11जून) येथे केले.
Nigdi : संत तुकाराम महाराजांच्या पालखीचे उद्योगनगरीत आगमन
पालकमंत्री चंद्रकांत पाटील म्हणाले, “जिल्हा नियोजन समितीच्या माध्यमातून होणाऱ्या विकासकामांना गतिमान करण्यासाठी कॉन्ट्रॅक्टर लॉबीच्या मक्तेदारीवर नियंत्रण आणून विकासनिधीचे नियोजन विकासकामांचा प्राधान्यक्रम ठरवून करण्याच्या सूचना संबंधीताना दिल्या आहेत. बाळा भेगडे यांच्यावर विकासनिधी नियोजनाची जबाबदारी सोपविली आहे.
