Ajit Pawar : ….कारण मी गद्दार नाही; वाचा अजित पवार असं का म्हणाले?

बीकेसी येथील दसऱ्याच्या मुहूर्तावर झालेल्या मुख्यमंत्री एकनाथ शिंदे यांच्या मेळाव्यातून अनेकजण परत जात असतानाचे काही व्हिडिओ व्हायरल झाले होते. त्या घटनेचा संदर्भ देत अजित पवार बोलत होते.

अजित पवार (Ajit Pawar) म्हणाले, सद्यस्थितीत राज्यात अनेक महत्त्वाचे प्रश्न आहेत. मात्र, राज्यातील सत्ताधारी सध्या एकमेकांना गद्दार गद्दार म्हणण्यात व्यस्त आहेत. एकमेकांना गद्दार म्हटल्याने महाराष्ट्राचे प्रश्न सुटणार आहेत का असेही त्यांनी यावेळी सत्ताधाऱ्यांना उद्देशून म्हटलं आहे. अजित पवार म्हणाले राज्यात सध्या लोकशाहीचा खेळ खंडोबा सुरू आहे. कशी ही माणसं फोडली जात आहेत, कुणी काहीही करतात.. राज्यात अजिबात स्थिरता राहिली नसल्याचेही अजित पवार यावेळी म्हणाले.