Bhosari : क्वालिटी सर्कल फोरम ऑफ इंडिया, पुणे चॅप्टरच्या वतीने गुणवत्ता स्पर्धा 2023 संपन्न

एमपीसी न्यूज – क्वालिटी सर्कल फोरम ऑफ इंडिया, पुणे चॅप्टरच्या वतीने भोसरी येथील क्वालिटी सर्कल एक्सलन्स सेंटर येथे ( Bhosari ) गुणवत्ता स्पर्धा 2023 आयोजित करून यावर्षीचा गुणवत्ता महिना साजरा कऱण्यात आला. हे उत्सवाचे यंदाचे दहावे  वर्ष होते.

या कार्यक्रमाचे उद्घाटन क्वालिटी-मॅग्ना ऑटोमोटिव्ह कंपनीचे मुख्य विभाग प्रमुख भूषण बडगुजर यांनी केले. यावेळी टाटा कन्सल्टन्सी च्या अश्विनी निमकर आणि क्यूसीएफआय कौन्सिल सदस्या व पुणे चॅप्टरच्या अध्यक्षा डॉ. रजनी इंदुलकर, परविन तरफदार, धनंजय वाघोलीकर आणि विजया रुमाले उपस्थित होते.

समारोप  सत्रात प्रमुख पाहुणे साज डायनोचे व्यवस्थापकीय संचालक प्रकाश जगताप होते. क्वालिटी सर्कल फोरम ऑफ इंडिया चे अध्यक्ष सतीश काळोखे यांनी प्रमुख पाहुण्यांचा स्मृतिचिन्ह देऊन सत्कार केला. पुणे चॅप्टरच्या अध्यक्षा डॉ. रजनी इंदुलकर पदाधिकारी अनंत क्षीरसागर आणि रुतुजा जगताप यांच्या हस्ते विजेत्यांना सुवर्ण, रजत, कास्य पदक स्मृतीचिन्ह स्वरूपात प्रदान केले.

या कार्यक्रमात 33 संस्थांमधील 267 स्पर्धकांनी सहभाग घेतला. एकूण 108 जणांना नामांकन प्राप्त झाले. त्यात 47 केस स्टडी, 7 स्किट्स, 31 पोस्टर्स आणि 23 स्लोगन याचा समावेश होता. स्पर्धेत विविध संस्थेतील संघांनी त्यांची गुणवत्ता सुधार यशोगाथा, स्लोगन, पोस्टर आणि स्किट सादर केले.

Pune : धायरी फाटा येथे कचऱ्यात सापडले मृत अर्भक