Pune Crime News : पुण्यात अवघ्या सात मिनिटात घरफोडी, 11 तोळे सोन्याचे दागिने लांबवले

पोलिसांनी दिलेल्या माहितीनुसार, फिर्यादी तरुण हा आंबेगाव पठार परिसरात आई – वडील आणि भावासह राहतो. एका महाविद्यालयात तो शिक्षण घेतोय. दरम्यान वडील त्याचे मार्केट यार्डमध्ये काम करतात तर भाऊ देखील एका क्लासला जातो. देव दर्शनाला गेल्याने आई देखील घरी नव्हती. बुधवारी दुपारी तो भाचीला शाळेतून आणण्यासाठी घराला कुलूप लावून बाहेर पडला होता. त्यानंतर अवघ्या सात मिनिटात  (Pune Crime News) तो परत आला. त्यावेळी त्याला घराचा दरवाजा उघडा दिसला. त्याने घरात जाऊन पाहणी केली असता किचनमधील कपाटाचे लॉकर तोडले होते. त्यातील 11 तोळे सोन्याचा ऐवज चोरट्यांनी चोरून नेला होता. भारती विद्यापीठ पोलिसांनी या प्रकरणी गुन्हा दाखल केला असून अधिक तपास सुरू आहे.