Chakan : आषाढी एकादशी व बकरी ईदसाठी पोलिस प्रशासन सज्ज ; चाकण मध्ये पथसंचलन व मॉकड्रिल
एमपीसी न्यूज -आषाढी एकादशी व बकरी ईदच्या (Chakan) पार्श्वभूमीवर चाकण शहरात पोलिस बंदोबस्तात वाढ करण्यात आली आहे. दोन्ही सन एकत्रित साजरे होत असल्याचे पार्श्वभूमीवर चाकण मध्ये पोलिसांनी पथसंचालन व मॉकड्रिल केले. सोमवारी (दि. 26 ) सायंकाळी शहरातील विविध भागात पथ संचलन केल्यानंतर मंगळवारी (दि. 27 ) सकाळी चाकण मार्केट समोरील भागात मॉकड्रिल करण्यात आले.
आषाढी एकादशी व बकरी ईद हे दोन्ही सण गुरुवारी 29 जून या एकाच दिवशी येत आहेत. या पार्श्वभुमीवर शहरात कायदा व सुव्यवस्था अबाधित रहावी या दृष्टीकोनातून चाकणचे वरिष्ठ पोलीस निरीक्षक वैभव शिंगारे यांच्या नेतृवाखाली शहरात पोलीस पथ संचलन करण्यात आले आहे.
चाकण पोलीस स्टेशन , सुभाष चौक,जामा मस्जिद,बलुत आळी, गोल्डन चौक,खंडोबा माळ , महात्मा फुले नगर, नेहरू चौक, महात्मा फुले चौक, नगरपरिषद चौक, चाकण बाजारपेठ,माणीक चौक, असे मिश्र लोकवस्तीच्या भागात पथसंचलन करण्यात आले. यावेळी 1 पोलीस निरीक्षक, 5 सहा.पो. निरीक्षक, 37 पोलीस, अंमलदार तसेच आरसीपीचे19 पोलीस आमंलदार उपस्थित होते.
समाजकंटकांनी उपद्रव केल्यास पोलिस प्रशासन अशा स्ठितीचा सामना करण्यासाठी सज्ज आहे, हे दाखवून देण्यासाठी चाकण मार्केट समोरील भागात पोलिसांकडून मॉकड्रिल करण्यात आले. अचानक करण्यात आलेल्या या मॉकड्रीलमुळे काही काळ नागरिकांमध्ये भितीचे वातावरण पसरले होते; नंतर मात्र ही फक्त पोलिसांची मॉकड्रिल असल्याचे समजल्यानंतर चाकणकरांनी सुटकेचा श्वास सोडला.
या मॉकड्रिलमध्ये वरिष्ठ पोलीस निरीक्षक वैभव शिंगारे यांच्यासह चाकण पोलिसांच्या सुमारे 25 पोलिसांच्या पथकाने व आरसीपीच्या 19 जवानांनी सहभाग (Chakan) नोंदवला .
