Dehuroad Corona Update : सलग पाचव्या दिवशी हद्दीत नव्या रूग्णाची नोंद नाही
एमपीसीन्यूज : देहूरोड कॅन्टोन्मेंट बोर्ड हद्दीत दिवसेंदिवस कोरोना पॉझिटिव्ह रुग्णांमध्ये मोठ्याप्रमाणात घट होत आहे. आज, मंगळवारी सलग पाचव्या दिवशी हद्दीत एकाही कोरोना पॉझिटिव्ह रुग्णाची नोंद झाली नसल्याची माहिती कॅंटोन्मेंट प्रशासनाकडून देण्यात आली.
कॅन्टोन्मेंट प्रशासनाने आज, मंगळवारी सायंकाळी सात वाजेपर्यंतचा कोरोना अहवाल प्रसिद्धीस दिला आहे. या अहवालानुसार, आजपर्यंत हद्दीत एकूण 1308 कोरोना पॉझिटिव्ह रुग्ण आढळून आले.
आजपर्यंत एकूण 1259 रुग्ण उपचारातून बरे झाल्याने त्यांना घरी सोडण्यात आले.
तर होम आयसोलेशन मधील रुग्णांची संख्या 10 असल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
महात्मा गांधी कोविड केअर सेंटरमध्ये आज एकही रुग्ण उपचारासाठी दाखल नाही, तर हद्दीत 14 ॲक्टिव्ह रुग्ण आहेत. यापैकी 4 रुग्ण रुग्णालयात दाखल आहेत.
रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.
