Water supply : जाधववाडी, बोऱ्हाडेवाडी, मोशीसह ‘या’ भागातील शुक्रवारचा पाणीपुरवठा विस्कळीत राहणार
एमपीसी न्यूज – मुख्य जलवाहिनीला उपवाहिन्या जोडणीचे काम करण्यात येणार आहे. पाईप जोडणीचे काम अंदाजे सायंकाळी 7 पर्यंत संपण्याची शक्यता आहे. त्यामुळे महापालिकेच्या क, इ आणि फ प्रभागातील जाधववाडी, बोऱ्हाडेवाडी, मोशी, डूडुळगाव, चऱ्होली, वडमुखवाडी, चोवीसावाडी, पांजरपोळ, सेक्टर 12 यांसह इंद्रायणीनगरच्या काही भागात शुक्रवार, शनिवारी पाणीपुरवठा विस्कळीत राहणार आहे.
पिंपरी-चिंचवड शहराच्या लोकसंख्या वाढीचा दर, विकासाचा वेग आणि भविष्यातील शहराची लोकसंख्या विचारात घेता शहरामध्ये नियमित व उच्च दाबाने पाणीपुरवठा करण्यासाठी महापालिका सातत्याने प्रयत्नशील आहे. शुक्रवार 11 नोव्हेंबर 2022 रोजी सकाळी 10 वाजेपासून मुख्य जलवाहिनीला उपवाहिन्या जोडणीचे काम करण्यात येणार आहे. पाईप जोडणीचे काम अंदाजे सायंकाळी 7 पर्यंत संपण्याची शक्यता आहे.(water supply) यामुळे महापालिकेच्या क, इ आणि फ प्रभागातील जाधववाडी, बोऱ्हाडेवाडी, मोशी, डूडुळगाव, चऱ्होली, वडमुखवाडी, चोवीसावाडी, पांजरपोळ, सेक्टर 12 यांसह इंद्रायणीनगरच्या काही भागात सकाळी 10 ते रात्री 7 वाजेपर्यंत पाणीपुरवठा बंद राहणार आहे. त्यानंतर रात्रीचा व दुसऱ्या दिवशी सकाळचा पाणीपुरवठा उशिरा, कमी दाबाने व विस्कळीत राहील.
Pothole free city : शहर 15 डिसेंबरपर्यंत खड्डेमुक्त झाले पाहिजे; प्रशासनाला ‘अल्टिमेटम’
नागरिकांनी पिण्याचे पाणी जपून वापरावे आणि पिंपरी- चिंचवड महापालिकेस सहकार्य करावे, असे आवाहन पाणीपुरवठा विभागाचे सहशहर अभियंता श्रीकांत सवणे यांनी केले आहे.