Maval/Shirur: पहिल्याच दिवशी मावळसाठी 14 तर, शिरुरसाठी 18 इच्छुकांनी नेले उमेदवारी अर्ज

मावळ लोकसभा मतदारसंघातून निवडणूक लढविण्यास इच्छुक उमेदवारांना निगडी, येथील पिंपरी-चिंचवड नवनगर विकास प्राधिकरणाच्या सातव्या मजल्यावरील निवडणूक विभागाच्या कार्यालयातून अर्ज दिले जात आहेत. तर, शिरुर मतदारसंघातून निवडणूक लढविण्यास इच्छुक उमेदवारांना जिल्हाधिकारी कार्यालयातील पाचव्या मजल्यावरील निवडणूक अधिका-यांच्या कार्यालयातून उमेदवारी अर्ज दिले जात आहेत.

मावळ आणि शिरुर मतदारसंघामधून निवडणूक लढवू इच्छिणा-या उमेदवारांना 9 एप्रिलपर्यंत उमेदवारी अर्ज दाखल करता येणार आहेत. प्राप्त अर्जांची छाननी 10 एप्रिल रोजी होणार आहे. तर, 12 एप्रिलपर्यंत उमेदवारी अर्ज मागे घेण्यासाठी मुदत आहे. 29 एप्रिलला या दोन मतदारसंघासाठी प्रत्यक्षात मतदान पार पडणार आहे.